'Ganî çapemenî rastîyan vejo meydan' 

2018-03-12 14:24:07


	 

	MUGLA - Reaksîyonê hemverê talîmatê sansurkerdişê xebaran derheqê îstîsmarê domanan û şîdetê serê cinîyan hetê Tayyîp Erdoganî ra ameyo dayîş, dewam kenê. Cinîyê Mugla wezîfeyê çapemenî ard vîr û vengdayîşê tewr zêde viraştişê xebaran kerdî.

	 

	Serekê AKPî Recep Tayyîp Erdogan seba xeberê  tacîz, tecawiz û îstîsmarî qiseykerdişê sey 'Weşanê televîzyonî êdî rayîr ra vejyayê. Ez veng dana çapemenî. Keremê xo ra bibirnê nê weşnan. Ya zî şima şar bêzar kenê.' kerdib û no ser cinîyan reaksîyonê şîdet mojnayî ra û dîyar kerdî ke ganî rastî hîna zêde bêrê ziwan.

	 

	'Viraştişê xeberan xizmetê seba merdimayî yo'

	 

	Endama PMî ya HDPî Adalet Aydine dîyar kerde ke Tayyîp Erdogan tehemulê rexneyêke qij ê çapemenîyê de yê nêkeno û bi serran o sey kesêke welat rayîra beno probleman rê çareserî nêvirazneno û wina va: "Problemê sey îstîsmar, kiştişê cinîyan û feqîrî her ke şino zêde beno. Her çî tewr zêde ver bi xirabî şino. Riznayîşê komelî merhelaya tewr cor de yo. Şerî dir tacîz û tecawîz zêde bîyo. Şar bi rêzefîlman, bernameyê magazînan xapênenê. La rastî nînê nimtiş. Kam nê xeberan virazeneno, xizmet merdimayî rê keno.

	 

	'Vengê hemwelatîyan dano eşnawitiş'

	 

	Karkera bi nameyê Ummu Has ya Mîlas de xebityena dîyar kerde ke xeberê derheqê îstîsmarî de hîsgêrê raya pêroyî zêde keno û ganî çapemenî qetî bêveng nêmano, ganî cinî hîna zêde vatişê xo vajê, hîna zêde vejîyê serê ekranan û destê yewbînan bigîrê.

	 

	Cinîya bi nameyê Demete zî dîyar kerde ke prosesê AKPî de zêdebîyayîşê kiştişê cinîyan û îstîsmar tesaduf nîyo û va polîtîkayê AKPî her wext îstîsmar teşwîq kerdê û seba cezayê giran nînê dayîş zî sucî zêde benê.