'Verê ke şima bêrê tasfîyekerdiş beşdarê xoverdayîşî bibê' 

2018-03-12 14:04:51


	 

	ÎZMÎR - Sekretera 6in Şubeyê Egîtîm Senê Îzmîrî Îdîl Ugurlu dîyar kerde ke tedayê sey tepiştiş û tewqîfkerdiş yê hemverê sendîkayê girêdayê KESKî bi amancê pelçiqnayîş yenê kerdiş û veng da têkoşînê cinîyan.

	 

	Sekretera 6in Şubeyê Egîtîm Senê Îzmîrî Îdîl Ugurlu dîyar kerde prosesêke tarî ke îxrac yenê ciwîyayîş, cinî hedef yenê girewtiş, komela yenê padayîş, domanî bi îstîsmarkarê înan dir yenê zewicnayîş û wina va: "Ez veng dana cinîyan verê ke bêrê tasfîyekerdiş têkoşîn bikerê. Semedo ke hewl yeno dayîş ke cinîyan hepsê keye bikerê."

	 

	'Wazenê ê teber de yê bipelçiqnê'

	 

	Îdîle dewam de dîyar kerde ke Temsîlkarê Kargerîyê SESî Nêweşxaneyê Mintiqaya Çîglî Edge Gurkan semedê afîşê ‘Ma verê TTBî yê' ame tepiştiş û dîyar kerde ke êdî tehemul hemverê nameyê aştî zî nêmendo û wina va: "Rayîrê ciwîyayîşî aştî ra derbaz beno. Ma têkoşînê azadî, demokrasî û cuyake merdimayî danê. Tepiştiş û tewqîfkerdiş seba pelçiqnayîş yenê kerdiş."

	 

	Îdîle da zanayîş ke nêeşkenê bi tepiştiş, tewqîfkerdiş ya zî caardişê şîdetî bipelçiqnê û nê çî ardî ziwan: "Kedkarê endamê sendîkayê hetgêrê zî nê caardişan nêrehet benê. Ma sey Egîtîm Senî moral û motîvasyonî danê endamanê xo. Ma veng danê cinîyan ke têkoşînê xo dewam kenê û bibê endamê sendîkayê girêdayê KESKî. Rewşa têkoşîn nîno dayîş de, do rojê tarî bêrê înan bivînê. Bi hewldayîşê pelçiqnayîşî wazenê ters awan bikerê. Verê ke şima bi tasfiyekerdişî dir rî bi rî bimanê beşdarê têkoşînî bibê."