Zîhnîyetê dagirker û şer xoza çin keno 

2018-03-11 13:54:50


	 

	Dîlan Babat

	 

	WAN - Ekolojîst Seher Kadîroglu Ataşe dîyar kerde ke binê qirkerdişê xoza de ferasetê dagirkerî esto û va no texrîbat tena bi wedartişê destesergirewtişê xoza hetê merdiman o, do peynî bibo.

	 

	Verfeka Demî yê KESKî yê Wanî û ekolojîst Seher Kadîroglu Ataşe dîyar kerde ke merdiman xoza ra cîya nêfikrîyenê û va şer tena zirar nêdano merdiman, zirar danê komel, kultur, ekonomî û warê ekolojî zî.

	 

	'Warê leşkerî zirar danê xoza'

	 

	Sehere ard ziwan ke bi şer muwazenê ekolojî dir kay kenê û bi akerdişê kanalê awe û awbendan bi hezaran ganî çin benê û wina va: "Şer de tena merdimî çin ê. Şer bi tena serê xo ekosîstemî xira keno. Şer de cayê awî yenê çinkerdiş, no zî beno sebebê çinkerdişê deshezaran milçîkan. No yeno manaya çinbîyayîşê tewirê mîyanê awe de û ganeyê bîn. Madeyê ke bi zirar erzenê serê herre zî beno sebebê çinbîyayîşê tewirê ganeyan. Bi warê leşkerî bi hektaran erdî lêşin benê."

	 

	'Peyman yenê peygoşkerdiş'

	 

	Sehere da zanayîş ke xoza peymanê mîyanneteweyî de binê pawitişî de yê û Tirkîya zî îmza eştê nê peymanan, la peymanî yenê peygoşkerdiş.

	 

	'Sebebê polîtîk estê'

	 

	Sehere peynîye qiseykerdişê xo de da zanayîş ke dimayê ke zirar danê xoza sebebê polîtîk sîyasî estê û wina va: "Amanc o yo ke zirar bidê xoza, mintiqa wêran bikerê ke kes tede nêcuyo. Binê problemî de fikrê hîyerarşîk û serdest esto. No texrîbat ancax bi wedartişê desteserkerdişê xoza hetê merdiman ra do peynî bo."