Mudirê hepisxaneyê Edîrne ra tehdîdê 'Ez do to bikişî' 

2018-03-10 12:57:52


	 

	MÊRDÎN - Hepsîyo bi nameyê Abdullah Gunay bi îdiaya ke Mudirê Hepisxaneyê Tîpê F yê Edîrne tehdîd kerdo dewa ro ci ame akerdiş. Maya Abdullah Gunay va ke: "Dimayê dewaya 'ez do to bikşî' kerdo, ez ciwîyayîşê ey ra endîşeyîn a.

	 

	Dimayê OHALî tedayê hepisxaneyan vejya merhaleya tewr cor û şert û mercê hepsîyan her ke şino giran beno. Keyeyî cuya hepsîyan ra endîşeyîn ê. Hemverê hepisxaneyê Şakran, Patnos, Elezîz, Tarsus û Rîze vengdayîşê piştdayîşî ame kerdiş û na rey zî maya Abdullah Gunayî ke Hepisxaneyê Tîpê F yê Edîrne de yo, Besna Gunaye vengdayîş kerde.

	 

	'Îşkence ey kerdo, dewa zî ey akerdo'

	 

	Besna dîyar kerde ke lajê aye cezaya muebetê giran girewto û hewteyê vîyarte de, telefon de ey dir qisey kerda û va mudirê hepisxaneyî ey tehdîd kerdo û wina va: "Lajê mi va mudirê hepisxaneyî dewa ro ci akerdo. Mudirî îdia kerdo ke lajê mi ey tehdîd kerdo û dewa ro ci akerdo. Homa zano ê dêsan de çi bi înan kenê. Lajê mi vano mi ey tehdîd nêkerdo. La mudir şîyo gerre kerdo."

	 

	'Vengê hepsîyan bieşnawê'

	 

	Besna peynîye qiseykerdişê xo de ard ziwan ke aye cuyayîşê lajê xo ra endîşeyîn a û va rewşêke negatîf bêro cuyayîş mudirê hepisxaneyî berpirsîyar o û va Mudir tehdîdê ‘Ez do to bikşî' lajê aye rê kerdo.

	 

	Besna veng da heme pawitoxê heqê merdiman û huqûqnasan û va wa veng bidê hepsîyan.