Çemo ke ame vatiş 'ameyo pakkerdiş' nêweşî vila keno

2018-03-09 13:09:55


	 

	 

	 

	MÊRDÎN - Çemê Zergan ke bi aşman verê çapemenî de ame vatiş ke qayûm qezaya Qoserî pak kerdo, nêweşî û lêşînî vila keno. 

	 

	Çemê Zergan ke ame vatiş ke hetê qayûmê şaredarîya Qoserî ra ameyo pakkerdiş, bîyo sey sergo. Goreyê şaredarî û çapemenîya mintiqa xebate pakkerdişê çem ê qeza, aşma Kanûne de ameyo kerdiş.

	 

	Çem nêweşî vila keno

	 

	Çemo ke ame îdîakerdiş ameyo pakkerdiş û pêwa gerreyê şarî nêameyo pakkerdiş, merdim nêeşkeno vera derbaz bo. Ame zanayîş ke çem nêweşî vila keno û keyeyê derûdorê çemî, hemwelatî bi nêrehetî yê virtişî şinê nêweşxane. Pêwa gerrekerdişê şarî çem nîno pakkerdiş û bi seyan hemwelatî mecbur manenê ke her roje verê çemî ra derbaz bê.

	 

	'Ganî bêro pakkerdiş'

	 

	Hemwelatîyan da zanayîş ke çem parq ra, hem taxe û hem zî rayîro pîl ra derbaz beno û wina vatî: "Ganî çem bêro pakkerdiş. Bi aşmano no winî yo. Pêwa ke ma gerre kenê, çîyçk nîno kerdiş. Verê heywanan awe çem ra şimitêne. Nika lêşînî ra heywanî nêşênê verê çemî. Kes nêwazeno vera derbaz bo. Keyeyê ke nêzdîyê çemî yê, xeylê kesî zafê xo domanî nêweş kewtî. Ame zanayîş ke kesê ke şîyê nêweşxane teşhîsê enfeksîyonî ameyo dayîş."

	 

	Qayûm Ahmet Odabaşi ke îdia kerdib çem aşma kanûne de pak kerdo û wina vatibi: "Verê zimistanî ma do çeman pak bikerê û wextê ke kilm de temam bikerê. Ma do vaş, herre û çop ra pak bikerê."