Bajarê Konteynirî de 150 keyeyî bendeyê piştdayîşîyê

2018-03-09 12:55:40


	 

	 

	 

	WAN - Hemwelatîyê ke seba şer herra xo bî û bajarê Konteynirî yê taxa Seyrantepeyê Wanî de ciwîyenê, cuya înan her ke şino zehmetir beno. Bajarê Konteynirî ke nêzdîyê 150 keyeyî ciwîyenê, vengdayîşê piştdayîşî ame kerdiş.

	 

	Bajarê Konteynirî yê taxa Seyrantepeyê Wanî nêzdîyê 150 keyeyî ciwîyenê û cuya înan her ke şino zehmet beno. Seba bajarê Konteynirî têl ameyo antiş û welatê xo sey ciyakerdişî vînenê. Bajarê Konteynirî de hemwelatîyê dewa xo koçber bîyê, şer ra remayê manenê. Yê ke zaf zehmetî ancenê zî cinî û doman ê. Seba domanan warê kaykerdişî çin o û di tenurê ke cinî dayê ro estê. La semedo ke arûdû çin o nînê xebitnayîş.

	 

	'Ma dewe ra ameyî vetiş'

	 

	Zeytun Çetîna 26 serrî bi keyeyê xo dir koçê Wanî kerdê û dîyar kerde ke mêrdeyê aye karê rojane keno û no semed ra nêeşkenê debara xo bikerê û va: "Ma semedo ke nêeşkenê kîra bidê ameyî konteyniran. Bi 6 serre yo ma tîya ciwîyenê. Reyan bi rojan ceyran çin o. Ma domanan kenê binê batenîyan. Ma zimistanî zehmetîyê pîl ancenê. Awe kêm a. Ma dewe ma ra vetî û ma mecburê nê şertan de biciwîyê."

	 

	'Pereyê emelîyatê kêna mi çin o' 

	 

	Gul Kavala 36 serrî dîyar kerde semedo ke problemê ekonomî bi mêrde û domananê xo dir Colemêrg ra ameyê Wan û wina va: "Erdlerz de keyeyê ma rijya. Domanê mi nêweş ê. Ma nêeşkenê pereyê emelyatê kêna xo kom bikerê. Mêrdeyê mi çi kar bivîno xebityeno. Heme domanê mi nêweş ê. Tîya de cuya ma hîna zehmet a. Ez wazena domanê mi keyeyêke baş de biciwîyê. Ma pêroyî ciwîyayîş ra qut bî. Ma vanê qey ma merdimê cîya yê."

	 

	'Zanayîşê kesî ma ra çin o'

	 

	Nesîbe Aslana 58 serrî zî ard ziwan ke ê bi zor dewa xo ra ameyê vetiş û hesreta seba dewe xo va: "Ma nêeşkayne ageyrê dewa xo. Ma ewro nan pewjna. La kolî çin bî. Kesêke nas estbi. Wexto ke ma nan pewjnenê ci ra vanê û goreyê nanê ma kolîyan dano. Zimistan zehmet o. Ceyran şino ma serdan ver nêweş konê. Wa ganî problemê ma bêrê çareserkerdiş."