Serpîl: Seba waştişê aştîye şêrê warê 8ê Adare 

2018-03-06 13:41:26


	 

	Duygu Cînîvîz 

	 

	AMED - Rojnamegerê Evrenselî Serpîl Berke dîyar kerde ke rojanemgerê cinî sey her warê cuyayîşî de wexto ke karê xo kenê zî rastê tedayan yenê û nê çî ard ziwan: "Pêwa zor û zehmetîyan ma têkoşînê xo dewam kenê. Ez karê ke ma kenê manayîn vînenê."

	 

	8ê Adare Roja Cinîyan Kedkaranê Dinya de wextê ke kilm ma û her warê cuyayîşî de cinî rastê hêrişan yenê. Rojnamegerê cinî ke hem warê rastî hêrîşan yenê, hem zî rastê hêrişê îqtîdarî yenê. Gerek 8ê Adare de zî pey xeberan de yê.

	 

	Rojnamegera Evrenselî Serpîl Berke da zanayîş ke cinî her warî têkoşîn de û wina dewam kerde: "Wexto ke tu rojnameger bê teda tewr zêde yenê vînayîş. Yenê waştiş ke yew reng bêro awankerdiş û hewl dayî tersê ser şarî awan bikerê û ma prosesêke wina de rojnamegerî kenê. Ma hetê meslekî de problem cuyenê la karê ma zaf manayîn o. Gerek rojnamegerê cinî hemverê tedayan têkoşîn bikerê."

	 

	'Piştî ma holdîng çin o'

	 

	Serpîle da zanayîş ke ê hewl danê bibê vengê heme kesê ke yenê bêvengkerdiş û qiseykerdişê xo dewam kerde: "Babeta xeberdarî çîyê rast de,  rojnamegerî hacet o. Ma sazgehê çapemenîyê holdîng piştî înan de yê nêxebityenê. Heta xeylê reyan semedo ke ma muxalîf ê ma rastê ambargoyê ekonomî yenê."

	 

	'Ma bi rastîyê çîyê ke ma kenê bawer ê'

	 

	Serpîle peynîye qalîkerdişê xo de ard ziwan ke bi OHALî dir televîzyon, radyo, rojname ameyî padayîş û hemverê sîteyan zî sansur ameyo kerdiş û wina va: "Pêwa heme sazgehê çapamenî de  mecrayê cîya de meslekê rojnamegerî meşnayo. Ma hemverê tedayan bêveng nêmanê. Hetê rojnamegerê muxalîf de înat girîng o. Ma bi rastîyê çîyê ke kenê bawer ê."

	 

	'Ma do vengê aştîye berz bikerê'

	 

	Serpîle bale ante ser vindertişê çapemenîya hetgir a hemver hêrişê Efrînî û va çapemenîya hetgir 'yew veng' a û bi mudaxaleyê îqtîdarî sey ke sera 80ê komelî piştdayîş dana operasyonê Efrînî mojnenê ra. Serpîle da zanayîş ke do vengê aştîye berz bikerê.

	 

	'Gerek şar aştîye de israr bikero'

	 

	Serpîle peynîya qiseykerdişê xo de wina va: "Rojnamegerî her wext de girîng a. Şer de komelan qezenc nêkerdo. Gerek heme şar aştîye de israr bikerê. Gerek waştişê aştîye bêro qêrînayîş. Ez sey rojnamegerêke cinî bi waştişê aştîye beşdarê 8ê Adare bibî û xeberan taqîb bikerî. Ganî şar aştîye de israr bikerê."