Coşê cinîyan bi rengê perîn û fistan yenê têhet 

2018-03-05 14:39:14


	 

	ŞIRNEX - Terzîyê cinî yê seba 8ê Adare xo amade kenê hewl danê ke sîparîşê xo biresnê û wina va: "Ma do a roje coşê cinîyan bi rengê perîn û fistan bîyarê têhet. Ma do bi coş û rengê xo vejyê meydanan."

	 

	Cinîyê terzî yê Botanî amadekarîyê 8ê Adare Roja Cinîyanê Kedkaranê Dinya dewam kenê û hewl danê perîn û fistanê seba a roje temam bikerê. Emîne Aktaşa cilê neteweyî derznena va: "Wextê ke derg o ez terzîtî kena. Ma her serre 8ê Adare bi coş pîroz kenê. Ma vizîr senîn hêvîya xo pawit, ma do ewro zî bipawê. Ma do hemverê tedayan bi coş û kelecanêke pîl na roje pîroz bikerê."

	 

	Emîne dewamê qiseykerdişê xo de ard ziwan ke heme astengîyan do bi enerjîyê xo vejyê waran û wina va: "Roj roja ma ya. Roja cinîyan a. Wa pîroz bo. Ma cinîyê terzî zî bi rengê cinîyan xo amade kenê. Ma do coşê cinîyan bi rengê perînê înan bîyarê têhet."

	 

	'Ma do waran de bê'

	 

	Aysel Taşa 39 serrî zî da zanayîş ke bi serran o no meslkeî kena û va hewl dana sîparîşê xo biresno. Aysele ard ziwan ke bi 20 serrî yo terzîtî kena û va: "Cinî bi taybet 8ê Adar û Newrozan de cilan derznenê. Ma zî hewl danê înan temam bikerê. Wa 8ê Adare heme cinîyan rê pîroz bo. Ma do zî a roje waran de bê. Ma veng danê heme cinîyan ke a roje waran de bê û hemverê qirkerdişê cinîyan cewabê ke xurt bidê."