Polîsê ke bi wesayîtê zirxî gêrenî şar taciz kenî 

2018-03-03 12:21:36


	 

	 

	 

	ŞIRNEX- Wesayîtê zirxî serê sibayî ra heta saetê şewe qaxan de gêrenî. Na rewşe seba domanan tehluke vîla kena û doman nêeşkenî bivejîyî teber.

	 

	Qezaya Cizîrî de 14ê kanuna 2015î de qedexeyê tebervejîyayîşî ameybî îlankerdiş û qedexe 79 rojan dewam kerdbî. Abluqaya qezaya Cizîrî hema zî dewam kena. Wesayîtê zirxî serê sibayî ra heta saetê şewe qaxan de gêrenî. Na rewşe seba domanan tehluke vîla kena û doman nêeşkenî bivejîyî teber. Tewr peynî Hezexî de wesayîtê zirxin da domano 4 serrî Umut Ozalpî ro. Hedîse de Ozalpî bi giranî birîndar bî û 2 aşmî yo ke yeno rakewtiş.

	25ê çeleyî de qezaya Cizîrî de domanêk bi nameyê S.A zî bi wesayîtê zirxî birîndar bîbî. Keyeyê domanan na rewşe ver bi şikin î. Ciwanê qeza zî hertim hetê polîsan ra yenê vindetiş û nasnameyê înan yenê perskerdiş. Cinîyê Cizîrî badê wedarnayîşê qedexe zî nêeşkenî asanî taxan de bigêrî û rastê tacizî yenî. 

	 

	Babete ser o Cinîya bi nameyê S.Nye ke taca Cudî ya Cizîrî de cuyena qisey kerde û dîyar kerde ke tacizê polîsan ver cinî nêeşkenê fekê berê xo de bivinderî.

	 

	S.Nye qiseykerdişê xo de wina va: “Şewek ez û embazanê xo ma şîyêne keye. Polîsî nasnameyê ma persayî. Mi înan rê va ‘20 serrî yo ke ez na taxe de cuyena. Cok ra ez lazimî nêvînena ke nasname xo reyde bi çarna.’ Badê nê qiseykerdişan polîsî mi tehdit kerdî. Wesayîtê zirxî heta saetê şewe kişta keyeyan de vindenî. Ciwanê ke tîryakî xebitnenî ra çîyêk nîno vatiş. Labelê ciwanê ke taxê qedexeyan de cuyenî, yenê vindetiş. Cizîr cizîrê kehen nîyo. Cizîrî girêdayeyê yewbînan î. Bi nê aybazan nêeşkenî ma bêveng bikerî.”