'Ma do bi tilîlîyan wayîrê Efrînî bivejîyî' 

2018-03-03 12:17:07


	 

	 

	 

	Songul Şêxo

	 

	TIL TEMIR – Îdarekara Meclisê Pawitişî Xabûr Madlên Xamîse reaksîyon nawite hêrişanê dewleta tirkî. Madlêne qiseykerdişê xo de dîyar kerde ke hêrişê vera Efrînî yenê mehneya qirkerdişê merdimîye, kultur û tarîxî.

	 

	Dagîrkerî û qetlîyamê artêşa tirk û çeteyanê ci ke vera Efrînî de dayî destpêkerdiş, roja 43. de dewam kenî. Vera hêriş û dagîrkerîye de xoverdayîşê Hêzê Sûrîyeya Demokratîke (HSD) û yê şarî dewam kenî. Netîceyê hêrişan dewleta tirk û çeteyanê girêdayeyê ci de heta nika bi seyan sîvîlî ameyî qetilkerdiş. Babete ser o Îdarekara Meclisê Pawitişî Xabûr Madlên Xamîse qisey kerde û reaksîyon nawite hêrişanê dewleta tirkî. Madlên qiseykerdişê xo de dîyar kerde ke hêrişê vera Efrînî yenê mehneya qirkerdişê merdimîye, kultur û tarîxî. 

	 

	Madlên qiseykerdişê xo de va ‘dewleta tirkî çîyê ke tarîx de ameyî cuyayîş dibare kena’ û wina va: “Efrînî de sîvîl hedef yenê girewtiş. Mîyanê sîvîlan de doman zî estî. Sewbîna zî êrişê kultur û tarîxî yenê kerdiş. Hedefgirewtişê hetkarîyê merdimîye zî parçeyê nê hêrişan î. Ganî zordarîyê winasî qada neteweyî de nêrî qebulkerdiş. Ma do bi heme hêzê xo vera dagirkerî de şer bikerî û destûr nêdî ke erdê ma teslîm bigîrî."

	 

	'Do merdimîye ser bikewo’

	 

	Madlên dewamê qiseykerdişê xo de bale ante şarê kurd ser û wina va: “Omidê şar hertim gandar o. Nê hêrişan de asanîya şar û projeyê Neteweya Demokratîke yenê hedefgirewtiş. Vera qezancanê şarê kurdî de şerêko gird yeno meşnayîş. Şarê kurd wayîrê hêz û îrade yî. Ma do heta peynî vera hêrişan de xo bipawî. Do merdimîye qezenc bikero.”

	 

	'Efrîn do qezenc bikero, ma Efrînî de yî’

	 

	Madlên qiseykerdişê xo yê peyênan de veng daye heme komele û rêxistinê merdimîye ke reaksîyon binawnî nê hêrişan û wina dewam kerde: “Ma veng danê heme komele û rêxistinê merdimîye ke êdî bêvengîya xo xira bikerî û derheqê Erdoganî de qerarê cîdî bigîrî. Ganî heme hêzê demokratîk bibî yew û qezencan bipawî. Efrîn do qezenc bikero, çimkî ma Efrînî de yî. Ma do bi tilîlîyan wayîrê Efrînî bivejîyî.”