Cinîyê Sendîka do 8ê Adare de waran de bê: Ma dimayê heqanê xo yê 

2018-03-02 14:56:38


	 

	Duygu Erol 

	 

	ENQERE - Cinîyê sendîkayê ke amadekarîyê 8ê Adare Roja Cinîyanê dinya dewam kenê, dîyar kenê ke ê pey heqê xo yê ked, têduştî û aştîye yê û do waran de bê.

	 

	Cinîyan dest bi bernameyê 8ê Adara Roja Cinîyan ê Dinya kerdî, do her çar hetê Tirkîya û Kurdistanî de 8ê Adare waran de bê. Cinîyê kedkar yê bi KHK û OHAL teda înan rê amî kerdiş, do 8ê Adare de waran pir bikerê. Sekretera Cinîyanê Konfederasyonê Sendîkaya Kedkarê Îstîmlakkerdişî (KESK) Gulîstan Atasoye dîyar kerde ke Tirkîya bi demêke derg a bi verahuqûqî bi OHAL û KHK yena rayberdiş û va verahuqûqî hêrişê hemverê cinîyan hem merhelaya qanunî û hem zî bi şîdeta camêrd-dewlete dir bi hawayêke  sîstematîk dewam kerd.

	 

	Gulîstane ard ziwan ke cinî berpirsîyarê ke problemê xo berê waran û nê çî vatî: "Demêk verê şerêke zî bi OHALî dir ame zêdekerdiş. Heq û azadîyê cinîyan ameyî astengkerdiş û sere de heqê ciwîyayîşî heme heqê înan ameyî astengkerdiş. Ma kewtî prosesêke heme heqî çin ameyê hesibnayîş.

	 

	'Do têkoşînê ma heta peynî dewam bikero'

	 

	Gulîstane dewam de ard ziwna ke cinîyê kedkar cayê kar ra bigîrê heta kuçeyan do her warî de hemverê polîtîkayê cinîyan çinhesibnenê, bêrê têhet û nê çî vatî: "Wedartişê astengîyê vernîye rêxistinê azadîya ma, kedkarê ke bi KHK ameyê îxrackerdiş reyna karê înan bêro dayîş, seba problemê şaran, kedkarê cinîyan bi peynî bê, tacîz, tecawiz û qirkerdişî peynî bê, çareserî virazyo û demokrasî virazyo 8ê Adare girîng a. Ganî cinî bi girseyî waran de mesajê xo bidê. Heta ma biresê cuya azad û têduşt do têkoşînê ma dewam bikero."

	 

	'Ganî ma do têkoşînê xo berz bikerê'

	 

	Sekretera Cinîyan ê Egîtîm Senî Derya Yulcu ard ziwan ke ê zanê 8ê Adare tarîxê destpêkê waştişê  ‘karê têduşt heqdestê têduştî yo' û va: "Roja ma ya ewro de problem dewam kenê. No semed ra têkoşînê ma dewam keno. Bi rayberîya Rayşîyayîşê Cinîyanê Dinya seba 8ê adare grevêke cinîyan ameyo rêxistinkerdiş. La welatê ma de grev zî yenê qedexekerdiş. Bi OHALî dir yenê qedexekerdiş. Semedê nê caardişê hemverê demokratîk Grevê 8ê Adare ya nêameyo rêxistinkerdiş. Bi hezaran cinî şewêke de bi KHKyan kar ra ameyî eştiş. Cinîyê ke întîxar kerdî estbî. Cinîyê ke wexto remayne teberê welatî bi domanê xo dir awe de fetisyayî estbî. Ma do hemverê nê çîyan têkoşînê xo berz bikerê. Gerek heme cinîyê ke ameyê îxrackerdiş do a roje uca de bê."