Hepsîyo ke krîzê qelbî derbaz kerd hewteyêke dima ra berdî nêweşxane 

2018-03-01 15:28:15


	 

	ŞIRNEX - Hepisxaneyê Tîpa L yê Patnosî ke her wext bi îhlalkerdişê heqan yeno rojeve, ame zanayîş ke seba hepsîyan awa şimitişî bi sînor danê û hepsîyêke hewteyê vîyarte de krîzê qelbî derbaz kerdo la hewteyêke dima ra wedarnayê nêweşxane.

	 

	Bi sebebê OHALî tedayê serê hepsîyan dewma kenê. Hepsîyê nêweş nînê dermankerdiş û îşkence û surgunkerdiş dewam kenê. Hepisxaneyê Tîpê L yê Patnosî yê Agirî her wext bi îhlalkerdişê heqan yenê rojeve. Ame zanayîş ke awa şimitişî zî kêm danê hepsîyan.

	 

	Cinîya bi nameyê Sîbel Kabula ke mêrdeyê aye hepisxane de yo dîyar kerde ke hewteya vîyarte de mêrdeyê aye krîzê qelbî derbaz kerdo û wina va: "Ma şinê pêvînayîşê mêrdeyê mi û va teda zêde bîyê û wexto krîz derbaz kerdo, hepsîyan dayê bera ro û veng dayê gardîyanan. La kes nêameyo. Hepsîyan zî bi îmkanê xo mudaxale kerdê. Hewteyêke dima ra ey berdê nêweşxane."

	 

	Sîbele ard ziwan ke her roja ke şino teda zêde benê û wina va: "Nika awa şimitişî zî nêdanê ci. Seba sere şitişî awa germ nêdanê înan. Mektub û faksê înan nêdanê. Cilê înan girewtê, yê ke ma eşrawitê zî depo deyenê girewtiş. Nêdanê înan."

	 

	'Kurdbîyayîş suco tewr pîl o'

	 

	Emîne Kabula ke lajê aye hepisxane de yo wina va: "Her qiseykerdişê ma de vengdayîşê xoverdayîşî kenê. Vanê çi bêro sereyê înan, do sere nêtewênê. Verê zî teda bî la sey nika nê. Nika awe zî nêdanê înan. Cilê ke ma eşrawenê nêdanê înan. Ma şinê serdayîş, ma rastê caardişê veramerdimayî yenê. Hepsîyê nêweş nînê dermankerdiş. Ma zanê çira hende teda hepsîyan rê yenê kerdiş. Semedo ke goreyê îqtîdar û îdareyê hepisxaneyê Kurdbîyayîş suco tewr pîl o. Wezîfeyo ke kono serê milê ma o yo ke ma înan tena nêverdê û piştdayîş bidê înan. Ganî ma bibê vengê hepsîyan û hepisxaneyan.”