'Hedef 81 bajaran de 81 meclîsê cinîyan  

2018-02-28 11:43:23


	 

	Evrîm Kepenek 

	 

	STENBOL - Meclîsê Cinîyan ê seba heqê cinîyan û îstîsmaro zayendî têkoşîn kenê, Stenbol de seba 39 qezayan de meclîsan awan bikerê xebatan meşnenê. Meclîsê Cinîyan ê Stenbolî Sultan Gurbey û Îzel Uysale dîyar kerdî ke amancê înan o yo ke 81 bajarî de 81 meclîsê cinîyan awan bikerê û veng dayî heme cinîyan ke taxan û unîversîteyan de meclîsan awan bikerê.

	 

	Meclîsê Cinîyan yê Stenbol, Enqere û Îzmîrî ameyî awankerdiş bi sloganê ‘Dest medê cil û belgê’ mi kewtî tevger û vatî ê taqîbkerdoxê dewayê cinîyê ke ameyê qetilkerdiş û îstîsmarê zayendî yê. Meclîsê Cinîyan dewaya kiştişê cinîyan ke beşdar benê bi raya pêroyî dir pare kenê û nika xo amade kenê ke 39 qeza de meclîsan awan bikerê. Amancê meclîsê Cinîyan o yo ke Tirkîya de 81 merkezan de meclîsan awan bikerê û heqê cinîyan bipawê.

	 

	Meclîsê Cinîyan ê Stenbolî Sultan Gurbey û Îzel Uysale derheqê meclîsê cinîyan de qisey kerdî. Sultane dîyar kerde ke serra vîyarte de bi sebebê cilê cinîyan teda û şîdet zêde bîyo û wina va: "Ma Temmuza 2017 de çalakîyêke rêxistin kerd. Her tewir komelî de cinî beşdarê çalakîyan bî. Nêzdîyê 3 hezar cinî beşdar bî. Dimayê çalakî baş derbaz bi ma bi nameyê cinîyan Maçka de yenê têhet û ma forumek viraşt. Kombîyayîş de ame vatiş ke wa Meclîsê Cinîyan awan bibê. Pêşnîyar ame tesdîqkerdiş û peynîya aşma Tebaxe de yewin Meclîsê Cinîyan ame awankerdiş.

	 

	Sultane dîyar kerde ke înan kombîyayîşê yewin TMMOB viraştê û bi qerarê uca de girewtê de rayîrê Meclîsê Cinîyan dewam kerdê û meclîsan de huqûq esto, heqê vatişê têduştî esto. Sultane wina va: “Meclîs binê komê sîyasî û komeleyan de falîyetan nêmeşneno. Yew serê yewî de nîyo. Ma hewl danê her kes vatişê xo vajo. Ma hedef kenê ke cinîyan bîyarê têhet. OHAL tewr zêde cinî bi bandure bî. Ma vanê cinî tena nîyê. cinî eşkenê her tewir problem bîyarê Meclîsê Cinîyan.” 

	 

	'Rojeva cinîyan de çi esto ê ma de zî ê çî estê'

	  

	Meclîsê cinîyan ra Îzel Uysal zî bale ante ser meclîsan û va awankerdiş ra heta nika xeylê çalakî û bername viraştê û wina va: "Rojeva cinîyan de çi bibo ê ma de zî ê çî estê. Qanûnê Miftitî bêro munaqaşekerdiş ma zî derheqê ey de çalakî kenê. Dewayêke bibo ma şinê uca. Ma şinê cayê ke cinî ameyê kiştiş. Têkoşînê mintiqa zaf girîng o." Îzel û Sultane veng da heme cinîyan ke unîversîtan, taxan meclîsê xo awan bikerê û veng da ke cinî beşdarê meclîsê înan bê.