Mêrdîno kan rojê xo yê verê geyreno 2018-02-27 14:36:05   MÊRDÎN - Mêrdîno kan o ke sey bajarê ziwan, dîn û kulturê cîya yeno naskerdiş rojê xo yê verê geyreno.   Bajarê ke Turîstî êdî sey verê nêşinê, keleya Mêrdînî hîna sey warê leşkerî yena xebitnayîş û warê tarîxî zî terkê qedere înan ameyê kerdiş. Mêrdîno ke xeylêmedenîyetan rê keyewanî kerdo, emsar zî hûmara  turîstê ke ameyê zî xeylê kêm bîyê. Goreyê serê verê sera 40 dayeyê turîstan kewto û yê ke tewr zêde bandure bîyê esnaf ê.   Rayîrî nîmecet mendî   Mêrdîno ke suryanî, kurd, ermenî, ereb, tirk û xeylê şaran rê keyewanî kerdo û bi warê xo yê tarîxî yeno naskerdiş, serra peyîn de hûmara turîstê ke yenê zî kêm bîyê. Otelî verê pir bîne û nika nîmecet bîyê. Û her bajerêke tay warê tarîxî qedere xo ameyê kerdiş. Hîn kuçeyê Mêrdîno kan zî xebatê ci nîmecet mendê û hîn kuçe zî bi kerra û xîz pir ê.  Qonaxa lûtkeya Mêrdînî ya û seserra 18in de hetê Haci Îbrahîm Şatana ameya viraştiş zî terkê qedere xo ameya kerdiş. Kerrayê Qonaxî wêrankerdiş ra konê. Awanî seba turîst û şarê mintiqa bi rîsk o wina zî nîna restorekerdiş.   Keleya Mêrdînî hîna binê îşgalkerdoxan de ya   Keleya Mêrdînî ke hîna sey warê leşkerî yena xebitnayîş tewr peyîn de 17ê Sibata serra vyarte de ame vatiş ke do bêro akerdiş. Kela bi têlan ameya dorpêçkerdiş û beyraqe ameyê daçiknayîş. Hem qayûm hem walî ra xizmet çin o. Mustafa Yamano ke hem walî û hem zî qayûm o, kêmbîyayîşê turîstan nêdîyo û rojê vîyarte de îzahatêke da û wina va: "Ma nê organîzasyonê wina girîng vînenê. Dimayê operasyonê bajaran gerek şar moral qezenc bikero. No semed ra zî bi faliyetê ke yenê kerdiş de ma do moral berz bikerê. Wexto ke ma ameyîşê turîstan 12 aşme rê vila bikerê, goreyê serrê verî hîrê qatî zêde bîyê."