TOKÎyê ke dayê şarî xira benê! 

2018-02-26 13:15:02


	 

	ŞIRNEX - Şarê Silopî ke dimayê qedexeyê vejyayîşêteberî keyeyî înan ameyî rijnayîş, hem keyeyê xo ra bî, hem zî ameyî deyndarkerdiş. TOKÎyê ke ameyê bicakerdiş zî derizyayîş virazyayî û şar keyeyê xo verî wazeno.

	 

	Silopiyê Şirnexî 14ê Kanûna 2015an de qedexeyê tebervejyayîşî ame îlankerdiş û aşmêk û nîm dewam kerd. No prosesî de keyeyî ameyî wêrankerdiş. Dimayê ke qedexe ameyî wedartiş, qeza de rijnayîş dest pêkerd. Dimayê qeza amî xirakerdiş dest bi TOKÎyan kerdî. Keyeyê ke keyeyê înan ameyî rijnayîş, nê awanîyan de bi ca bî û hem zî ameyî deyndarkerdiş û hem zî keyeyê ke TOKÎ dayê înan saxlem nîyê. Keyeyê ke deynê înan sebeb mojnayî ra, keyeyê înan nînê dayîş û mexdurbîyayîşê înan dewam keno.

	 

	'Ma 107 hezar TL deyndar kerdî'

	 

	Hemwelatîya bi nameyê D.S ke aşmêk verê bi sebebê deynê xo keyeyê xo newe nêdaya û serrêke ame vindertiş û aşmêk bar kerdê TOKÎ û dîyar kerde ke seba keyeyê TOKÎ 107 hezar TL deyndar kerdê.

	 

	D.S ard ziwan ke seba keyeyê ci 200 metre kare, keyeyê tokî yê 130-138 metrekare dayî û wina va: "Ma bi aşman nêeşkay bikoy rayîr. Keyeyê ma taxa Nûh ame rijnayîş. Pêwa ke xesaro pîl çinbi zî ameyî rijnayîş. Aşma adare de peyser ame antiş la bi di aşmî ma ameyî tîya. 107 hezar lîra deynê dewlete kerdî sebeb û ma nêgirewtî keyeyan. Ma fam nêkerd no deyn ça ra ame. Xêrcê no deynî deynê ke vejyo zî ma nêzanê."

	 

	'Di aşman de keye derizyay'

	 

	D.S ard ziwan ke roja ke bar kerda hezar lîra keye rê şîyo û va do zêde bibo û wina va: "Pacayê keyeyî nînê girewtiş. Bera bi zor yenê girewtiş. Sîyê tezgahê mitbaxî hema ver bi kewtîşî yo. Bi di aşmî ma tîyayê, keye de deriznayîş virazya. Pêwa ke ma lîsteya hewcedarî viraşt û eşrawit çîyêke nêkerd. Ma viraşt la do di aşmî dima ra şîyayîş reyna vejyo.

	 

	D.S da zanayîş ke hem hetê ekonomî de û hem zî hetê manewî de ameyê mexdurkerdiş û va: "Kesê verê 3-4 keyeyê înan estbî, nika TOKÎ de keyeyêke înan esto. Seba keyeyê ma daîreyêke dayî ma. Ser de zî ma deyndar kerdî. Seba metrekare 836 lîra waştî. Tîya her qate de polîsêke nişneno ro. Merdimî asayîşê ganê xo ra endîşeyînê."