Gerreyê derheqê versucê îstîsmarî de peyser ame antiş! 

2018-02-23 12:44:00


	 

	ŞIRNEX - S.D. yo ke qorîcîtî keno derheqê ey de seba ke îstîsmaro zayendî kerdib, dewa amebî akerdiş. Dewaya ke amîbî akerdiş de îfadeyêke ameybî dayîş de heme peyser ameyî antiş. Domanê ke emnîyet û dozgerî de îstîsmar qalî kerdî îfadeyê xo vurnayî û keyeyan gerreyê xo peyser antî.

	 

	Qezaya Silopîyê Şirnexî de S.D. (30) yo ke qorîcîtî keno hemverê 8 domanan îstîsmaro zayendî kerdib. Dimayê ke domanêke hedîse mamosteyê xo rê qalî kerde, vejyabi meydan ke S.D. yo qorîcî mabêne serrê 2014 û 2017an de domanan îstîsmar kerdo. Dimayê ke îdareyê mektebe û keyeyan derheqê hedîse de muracatê sucdarî kerdî û derheqê hedîse de cigêrayîş ame destpêkerdiş û mamosteyê domanan û psîkologan îfadeyê domanan amebi girewtiş. Dimayê îfadeyê domanan derheqê S.D.yo versucî de qerarê tepiştişî amebi dayîş.

	 

	Îfade ameyî vurnayîş!

	 

	Roniştişê dewaya 2yîn Dadgeha Cezaya Giran ya Cizîre de ame vînayîş. Roniştişo ke ame kerdiş de 8 domanê ke bi îstîsmarî dir rî bi rî mendî, îfadeyê xo vurnayî û keyeyan zî va ke çîyê ke wina mumkin nîyo versuc merdimê înan o û domanî zuran kenê.

	 

	Dewa amî taloqkerdiş

	 

	Dimayê îfadeyê bi nakok heyetê dadgehe qerar da ke girewtişê hukmkerdişê versucî dewam bikero û dewa taloqê 21ê Adare kerd.