6 serrî ra dimayê erdlerzî: Sozê dewleta komelî ça de yo? 

2018-02-22 13:47:19


	 

	WAN - Wan de 6 sal serre verê di erdlerzê pîl ameyî meydan û welatîyê erdlerzî de keyeyê înan rijnayî hîna konteyniran de cuyenê. Yê TOKÎyan de ameyî bicakerdiş zî hîna bi deynan cuyenê. Cinîyan dîyar kerd ke dewlete ê wext zaf soz dayê û çareserîyêke mende waştî.

	 

	23ê teşrîna verêne 2011 de Erdîşê Wanî de bi şîdetê 7.2 erdlerzêke virazya û dima ra 9ê teşrîna peyêne Wan de bi 5.6 erdlerzêke virazya. Bi seyan kesî cuya xo vinî kerdibî. Pêwa 6 serre erdlerzî ser derbaz bi zî rêçe erdlerzî hema zî yeno vînayîş û seba lazimîyê şarî rê çareserî nêameyê vînayîş. TOKÎyê ke AFADî viraştê problemî nêqedênê. Heto bîn ra hemwelatîyêke hema zî  konteyniran de cuyenê estê.

	 

	Welatiyê ke ‘Bajarê Konteynirê yê Anadolu’ manenê hema TOKÎyan de keye seba înan nêameyo vînayîş. Cinî hemverê şert û mercê giran yê zimistanî, bi branda û potê kan hewl danê ke hawaya cemidin nêko zere. Cinî bi çareserîyê demdemî hewl danê bicuyê û en tay her konteynir de 4 kesî cuyenê.

	 

	'Dewlete vera çareserî ma vejena'

	 

	Soyleme Canataya 36 serrî ya bi keyeyê xo yê 5 kesî dir konteynir de manena, uca de lajê xo ana dinya. Soyleme ard ziwan ke wexto ke domanê xo ardo dinya, awe û ceyran ameyê birnayîş û walî talîmatê ‘veng bikerê’ daw û va: “Goreyê selahîyetdaran ma seba awe û ceyrano bê pere tîya mendêne. Belê ma nêeşkenê pereyê awe û ceyranî bidê. La wezîfeyê dewleta komelî a ya ke problemê ma çareser bikero. Ez mêrdeyê xo rê karêke wazena. Ma wazenê keyeyêke de bicuyê. Keyeyêke ma tede germ bê çin o. Asayîşê konteyniran zî çin o."

	 

	Hasret Durana 50 serrî da zanayîş ke semedo ke nêeşkenê xo germ bikerê, her wext binê batanî de yê û va TOKÎ kesê bi torpîlê înan rê vejyayê û û wina va: "Xora bivejyayne zî pereyê ke ma bidê ci çin o."

	 

	Gulten Turguta 60 serrî zî semedo ke lajê aye hepisxane de yo bi tornê xo dir konteyniran de cuyena û ard ziwan ke aye bi piştdayîşê cîranan cuyena û çareserî wazena."