Hatîce: Seba yewîya neteweyî asteng şer o

2018-02-21 13:23:48


	 

	Rojda Aydin

	 

	AMED - Endama Şuraya Kongreya Îslama Demokratîk Hatîce Kocamane va dewleta tirkî nêwazena şarê kurd bi tena serê xo bibo yew û kurd yewîya xo awan bikerê. No semed ra zî yewîya neteweyî qebûl nêkenê.

	 

	Endama Şura Kongreya Îslama Demokratîk Hatîce Kocamane şerê ke Efrînî de yeno kerdiş bi Yewîya Neteweyî rê girê da va ke verê şerê Efrînî Şarê Kurd yewîya xo ya neteweyî awan bikerdêne, ewro rewşe hîna baş bîne.

	 

	Hatîce Kocamana ke beşdarê Kombîyayîşê Yewîya Neteweyî ya Cinîyê Kurd ke Silêmanî de amebi viraştiş û aye zî mîyan de ca girewtebî va ke amancê înan o bîyo ke dej û elemê şarê kurd bîyarê ziwan û seba bîyayîşê cinî her warî de bidê qebulkerdiş, înan kombîyayîş organîze kerdo û wina va: "Waştişê ma ya en pîl a ke nasnameyê şarê kurd bêro qebulkerdiş. No semed ra zî ma no hamnanî heme cinîyê çar parçeyê Kurdistanî kom bî. La amancê kombîyayîşê ma û ê şarê kurd eynî bi. Semedo ke heme kurdî wazenê yewîya xo awan bikerê û çar parçeyê Kurdistanî de cuyake azad û bi rûmet pîya bucuyê. La dişminê şarê kurd teda û zordarî şarê kurd kenê û nêverdenê bibê yew."

	 

	'Ganî ma yewîya xo xurt bikerê'

	 

	Hatîce dewamê qiseykerdişê xo de wina va: "Herra Kurdistanî gonî ra mird bîya. Şarê kurd êdî gonî ra mird bîyê. No semed ra şarê kurd êdî wazeno çar parçayê Kurdistanî yewîya xo awan bikero û kurdî wazenê ke bêrê serê masa problemê xo munaqeşe bikerê û waştişê xo bica bîyarê. Û seba ke nasnameyê xo bizanê gerek şarê kurd hemverê heme dewletan bibê yew û xo ver bidê. Hemverê Îran, Sûrîye, Iraq, Tirkîya, Amerîqa vejyê û sere nêtewênê û vajê ke ma zî serê rîyê dinya de zaf pîl ê. Seba azadîya xo ganî ma yewîya xo xurt bikerê. Wexto ke ma yewîya xo xurt kerd o wext ma do Efrîn de zî serkewte bibê. Ewro çimê heme dinya Rojhelato Mîyanên de zî serê kurdan de yo. Dewleta tirkî vana ke verê seserran senîn ma heme şarê kurd vila kerd û ma amancê xo de serkewte bî, ma do ewro zî hemverê kurdan bi ser kewê. No semed ra dewleta ewro Efrîn de şerêke lêşin hemverê kurdan dayo destpêkerdiş."

	 

	'Polîtîkayê tewr lêşîn hemverê cinîyê kurdan kenê'

	 

	Hatîce ard ziwan ke hîn kesî seba şexsê xo û berjewendîyê xo beşdarê kombîyayîşê yewîye nêbîyê û wina va: "Şerê ke ewro Efrîn de yeno kerdiş, eke yewîya şarê kurd bibayne, no şer zî çinbayne. Eke Barzanî seba yewîya kurd game bieştêne û wayîr bivejyayne, ewro şerê Efrînî zî çinbibayne. Ewro ewro dewleta tirkî no cesaretî ke hêrişê Efrînî bikerdêne, bi xo dir nêdîne û ewro nêeşkayne biko Efrîn. Tirkîya Barzanî sey dostê xo mojnena, la ma dostanîya tirkîya wextê referandûmê Başûr de dî. Eke dost bibayne o wext gerek destek bidayne xoserîya Başûr. La hemverê ci bi heme hêzê xo hemver vejya. No het de dejo en pîl cinîyê kurd ancenê. Çar parçeyê Kurdistanî wexto ke şer yeno kerdiş, bandure tewr negatîf yê şerî cinîyê kurdan rê beno. La cinîyê kurdî vera şerî xoverdayîşêke pîl mojnenê ra. Cinî heme rayberîya şarê xo kenê û hem zî domananê xo rê dayîkî kenê û cinî embazî zî kerda. No semed ra polîtakayê tewr lêşin hemverê cinîyê kurd yenê kerdiş."

	 

	'Tena astengîyêke esto o zî şer o'

	 

	Hatîce peynîya qiseykerdişê xo de va ke seba şerê Efrînî bi peynî bibo, ganî vernê de yewîya neteweyî bêro akerdiş û şarê kurd sere de problemê xo yê mîyanxo çareser bikerê û wina qedêna: "Eke şarê kurd problemê xo çareser bikerê do heme çî çareser bibo. Ma do bi eşkê bi yewîya neteweyî peynîya şerî hemverê kurdan zî bîyarê."