'Ma do coşê xo yê kongre berê 8ê Adare' 

2018-02-20 14:11:17


	 

	Fîlîz Zeyrek 

	 

	EDENE - Hemsereka HDPî yê Edenî Gulseren Turale dîyar kerde ke kongreya HDPî ya hewteyê vîyarte de ameya viraştiş, heme hêriş veng vetê û va: "Ma do coşê xo yê kongre berê 8ê Adare."

	 

	Cinîyan dîyar kerd ke hîrên kongreya asayî ya HDPî bi beşdarbîyayîşê deshezaran kesî virazyayo, hêvî awan kerda û vatî reyke bîn zî ameyo mojnarayîş ke şar hemverê faşîzmî sere nêtewenenê. Hemsereka HDPî ya Edene Gulseren Turale ard ziwan ke şarê kurd vera hêrişan sere nêtewênayê û her çar hetê Tirkîya û Kurdistanî ra beşdarê kongre bîyê.

	 

	'Ma do 8ê Adare de waran de bê'

	 

	Gulserene ard ziwan ke înan rastîyê ke HDP tîya yo reyke bîn zî mojnayê û nê çî ard ziwan: "Ê ke nê çî ra nêrehet bî estbî. Fîrmaya otobuse ma ya Edene şîne Enqere amî astengkerdiş. Pêwa heme astengîyan ma kewtî rayîr. Rayîrê ma rayîrê hêvî bi. Şarê ma bi qerarêke pîl salone pir kerdî. Beşdarbîyayîşê cinîyan xeylê zêde bi. Ma do coşê kongre berê 8ê Adare.”

	 

	'Ma do wayîrê qezencanê xo vejyê' 

	 

	Hemsereka DBPî ya Edene Şukran Efeturke zî da zanayîş ke kongre seba şarê Tirkîya bîya moralêke pîl û wina va: "Ma waran de bi ca nêbî. Şar zano rayîrê kaorsî ra vetiş HDP yo. Hêvîya ma bi kongre hîna pîl bi. Hesretê seba aştîye bi tilîliyan veng da. Ma sey cinî wayîrê qezencê xo vejyê."