Vurnayîşê bajarwanî nê, vurnayîşê rantî yo! 

2018-02-19 14:09:53


	 

	Melîke Aydin 

	 

	ÎZMÎR - Sereka Şubeyê Odaya Plansazîya Bajêrê Îzmîrî Ozlem Şenyole dîyar kerde ke şar mabêne qanûnê vurnayîşê bajarwanî de teng bîyo û dîyar kerde ke projeyê vurnayîşê bajarwanî goreyê lazimîyê şarî nê, rantî rê xizmet keno.

	 

	Seranserê Tirkîya yew bajarê ke tewr zêde koçberî ci ameyo kerdiş Îzmîr o û bi qanûnê vurnayîşê bajarwanî dir hemwelatî yenê mexdurkerdiş. Sereka Şubeyê Odaya Plansazîyê Bajarê Îzmîrî Ozlem Şenyole dîyar kerde ke problemê bi vurnayîşê bajarwanî vejyayê meydan, do hema 50 serrî bîn zî çareser nêbo. Ozleme va 540 hektar erd taxê Uzundere, Cennetçeşme û Lîmontepe yê şaredarîya Karabaglarî de sey warê vurnayîşê bajarwanî ame îlankerdiş.

	 

	'Şar nîno melumatkerdiş'

	 

	Ozleme ard ziwan ke projeyê vurnayîşê bajarwanî berardişê cuyake bi weşî dûr ê û va plansazîya bajêr bi yew qanûnêke nêeşkenê bêrokerdiş û va mintiqaya Karabaglarî de 540 hektar war sey warê bi rîsk ameyo îlankerdiş la 2012an de seba awanî bêrê viraştiş, qerar ameyo dayîş. Ozleme da zanayîş ke şar nêzano do qanûn înan ra se bîyaro û nînê melumatkerdiş.

	 

	'Qanûn lazimî bi ca nêanê'

	 

	Ozleme dewam de da zanayîş ke serrê 1960 ra dima bajar zaf koç girewto û netîceyê lazimîyê starbîyayîşê şarî nîno girewtiş de, şar bi hewldayîşê xo cayê ke îmar rê akerdeyê keye viraştî. Ozleme ard ziwan ke qanûn lazimîyê şarî bi ca nêanê.

	 

	'Derheqê rantî de vurnayîş yenê kerdiş'

	 

	Ozleme peynîye qiseykerdişê xo de da zanayîş ke TMMOBî derheqê babete de xeylê rapor weşênayê û no semed ra zî gerek seba feydeyê şarî rêxistinê komelê sivîl, odeyê meslekan beşdarê prosesî bibê û va: "Gerek warê bi rîst binê kontrolî de bêrê derbazkerdiş. Cigêrayîşî nê waran de ameyê kerdiş bi raporan kono nakokî. Wexto ke raporê zemînê weşî yenê cigêrayîş, cayê ke îmar rê abîyê rantî rê xizmet kenê."