Vatişê cinîyêke gêroke: Çem do bê pasaport sînoran derbaz bikero 

2018-02-18 14:01:13


	 

	Melîke Aydin

	 

	ÎZMÎR - Eşe Gungora ke hemverê dinyake her kes hepsê keye û karî kerdê, vejya geyrê dinya û wina va: "Çem bê pasaport  derya derbaz keno. Gerek merdim zî sey çem bibayne."

	 

	Eşe Gungor a ke dimayê ûnîversîte qedêna vera ke bibo memure, gêrokbîyayîş tercîh kerde û dîyar kena ke seba sînorê ke merdiman asteng kenê wirzê, gerek vernê de merdim sînoran çin bihesebno. Eşe ard ziwan ke welatê Balkan, welatê Azerbaycan, Îran, Gurcîstan zî tede 10 welatan 7 aşman de geyraya û wina va: "Çem bê pasaport sînoran derbaz keno. Mi hêvî kerdêne ke ez qasê çeman azad bibayne.Ez dinyake bê sînor xeyal kena."

	 

	'Cayê ke kapîtalîzm çin o, germbîyayîş esto'

	 

	Eşe dewam de ard ziwan ke fotograf û kerrayê cayê ke geyraya ardê roşena û va ê bi otostopî geyrenê. Eşe wina va: "Roja ma ya ewro de hîsê bawerî ê merdiman hemverê yewbînan nêmendo. Cayê ke hema  kapîtalîzm bica nêbîyo, germbîyayîşê merdiman yeno pawitiş. Mi hîsê bawerî û parekerdişî kulturê Rojhelat de hîna zêde hîs kerd la meymanperwerîya Tirkîya rayîra vejyeya."

	 

	'Seba ke vernêhukm bişikîyo merdim bigeyro'

	 

	Eşe peynîye qiseykerdişê xo de wina va: "Ez 40 rojî Îran de menda. 7 aşman de mi dir vurnayîşê pîl virazyayî. Eke ez nêvejyayne geyr ez kewtêne KPSSe. Ez  bîne memûr û bişîne kar û biameyne keye. Werekna heme kes bigeyrayne, geyr vernêhukmî şikneno. Hewl yeno dayîş ke cinî bêrê hepskerdiş. Ganî cinî bikoy her warê ke camêrdî konê ci."