Psîkoterapîstê dewlete: Seba perwerdeyî amey wezîfedarkerdiş, labelê nijadperestî ra vîşêr çîyêk nêkerd 

2018-02-18 13:40:30


	 

	EDENE - Bin banê  Mudirîyeta Perwerdeyê Neteweyî yê Edeneyî de Merkezê Averberdişê Baldarî yê Terapîyê Keyeyî seba lazimîya keye û domanan psîkoterapîstêk erşawit mektebê domananê şenikan. Keyeyê domanan talebê psîkoterapîstî ra dima şîyî mekteb û herinda ke perwerdeyî bigîrî rastê bazarîya kîtabê psîkoterapîstî ameyî. Psîkoterapîstî mekteb de herinda ke perwerdeyî bido, reklamê kitabê xo kerdo û vera heywanan de vatişê nêbaş û nijadperestî xebitna yo.

	 

	Dewlete Edene de heme mektebanê domananê şenikan rê psîkoterapîstî erşawite. Keyeyê domanan dîyar kerdî ke psîkoterapîsto ke ameyo, herinda ke babeta baldarîya ewnayişê domanan bivajo, reklamê kitabê xo kerdo û mekteb de kitabanê xo roto. Babete ser o keyeyê domanan wina vatî.

	 

	'Xoz heywanêke nêbaş o'

	 

	Keyeyê domanan qiseykerdişê xo de wina vatî: “Mekteb sey haletê bazarî yenî xebitnayiş. Psîkoterapîst dîyar kerd ke xêzefîlmê Maşa û Koca Ayi yê Israîlî yî û xoz heywanêko heram o. Psîkoterapîst seba semînerî 50 TL pere m ara vaşt.”