Seba hepsîyanê hepisxaneyê Şirnexî de qedexeyê pêvînayîş û xebardarî 

2018-02-16 13:33:55


	 

	 

	 

	ŞIRNEX-  Hepsîyê Hepisxaneyê Tîpê T yê Hepisxaneyê Şirnexî hemverê ferzkerdişê caardişê cilê yewreng û tecrîdê serê Rayberê  PKKî Abdullah Ocalanî ra aşmêke kewtibî grevê vêşanî bidor û no semed ra hepsîyê cezaya pêvînayîş û xebardarî amî dayîş.

	 

	Hepsîyê hepisxaneyê Tîpê T yê Şirnexî hemverê tedayê serê hepsîyan aşmêke kewtî grevê vêşanî yê bidor û ame zanayîş ke rojo panşeme peynî kerdê. Hepsîyan merdimê xo rê dîyar kerdî ke, hemverê îhlalkerdişê heqan çalakîyê xo do dewam bikerê. Merdimê hepsîyan dîyar kerdî ke ganî heme şarê Kurd û raya pêroyî hemverê hepisxaneyan vengê xo berz bikerê.

	 

	Bi KHKî hûmara 696î en peynî ame weşnayîş dir caardişê ‘cilê yew tîpî' kewt rojeve û hemverê nê reaksîyonê hepsîyan û keyeyê înan her ke şino zêde beno. Hepsîyê hepisxaneyê Tîpê T yê Hepisxaneyê Şirnexî hemverê ferzkerdişê caardişê cilê yewreng û tecrîdê serê Rayberê PKKî Abdullah Ocalanî aşmêke kewtibî girevê vêşanî yê bidor û no semed ra zî hepsîyan cezaya pêvînayîş û xebardarî ame dayîş.

	 

	'Ma qet xebardarî nêgînê'

	 

	Merdimê hepsîyêke Hatîce Beytare derheqê babete de qisey kerde û va: "Lajê mi hepisxaneyê Tîpê T yê Şirnexî maneno. 11 serrî ceza girewto. Aşmêke hepsî kewtî grev. Ez nêzana çend kesê la ez zana heme hepsî kewtê grev. Bi aşmêke ez lajê xo ra xeberêke nêgîna. Îdarekarê hepisxaneyê ceza dayê înan. Pêwa hende îhlalkerdişan, îmza erzenê îhlalkerdişê neweyan.

	 

	Seba merdimê hepsîyan vengdayîş

	 

	Hatîce da zanayîş ke roj bi roje tedayê serê hepsîyan zêde benê û qiseykerdişê xo wina qedêna: "Pêvînayîşê peyîn de lajê mi va grev rê peynî dayê ci, la cezaya dîsîplînî grewtê. Dimayê pêvînayîş û pêvnayîşê bi telefonî zî ame qedexekerdiş. Lajê mi va her wext gardîyanî erzenê serê koxuşê înan û cigêrayîş kenê. Domanê ma caardişê kêfî dir rî bi rî yê. Ez veng dana heme kesan ke bibê vengê hepsîyan."