Vaşê ke hamnanî kom benê zimistanî serê dezgeyan de yê

2018-02-16 12:07:30


	 

	 

	 

	 

	Zeynep Durgut

	 

	WAN - Vaşê ke mewsîmê wisarî de ameyî amadekerdiş, dimayê ke bi zimistan serê dezgeyan de cayê xo girewtî.

	 

	Serhed de dimayê ke  wisar yeno û dima ra hemwelatî seba ke zimistanî werdê tewir tewir amade bikerê, vaşê  serhedî yê şîfayînî kom kenê û seba zimistanî amade kenê. Vaşê ke wisar de ameyî komkerdiş, no zimistanî cayê xo ser dezgeyê bazarê qezaya Rayîrê Armûşî yê Wanî de girewt.

	 

	Mewsîmê wisarî de amadekarîyê zimistanî

	 

	Mewsîmê zimistanî en zêde mintiqaya Serhedî de zehmet derbaz beno. Şarê Serhedî bi awankerdişê xo yê tewir bi tewir warê werdê ke vaşan ra amade kenê ê tewr weş de aver kewtê. Mintiqa de tewr zêde mewsîmê zimistanî de werdê weşî yenê amadekerdiş. Pincarê ke mewsîmê wisar û hamnanî de yenê komkerdiş, dimayê ke yenê komkerdiş yenê girênayîş û seba mewsîmê zimistanî yenê amadekerdiş. Cinî û camêrdî pîya pincar kom kenê û reyan zî seba ke debara xo bikerê, şinê koyê en berz û vaşê tewr bi tahm û weş kom kenê. Mintiqa de tewr zêde vaşê siyabo, bûk, bîzar û mendê seba zimistanî yenê komkerdiş.

	 

	Vaşê şîfayîn û werdê bi tehm...

	 

	Sey adetêke aîdî mintiqa her serre senîn vaş serê dezgeyan de ca girewt, emsar zî serê dezgeyan de ca girewt. Semedo ke peydakerdişê nê vaşan kedêke zaf pîl wazeno, zaf vay yenê rotiş. Nê vaşê ke yenê komkerdiş û seba zimistanî yenê amadekerdiş, hem zî seba weşîya merdimî zaf baş ê. Vaşê bi nameyê siyabo, mendê koyê tewr berz ra yenê komkerdiş û yenê girênayîş û seba zimistanî yenê wedartiş.   

	 

	Destxaneyê Serhedî...

	 

	Serhed de vaşê ke bi kedêke pîl hetê şarê mintiqa ra û taybetî zî hetê cinîyan ra yenê komkerdiş, kedêke pîl wazenê. No semed ra pawitişî înan girîng o. Dimayê ke vaş seba zimistanî ame amadekerdiş, cayê taybet ê sey cayê qeşayê xozayî de yenê pawitiş.