Sabîha Aktaş: Hîrê serrî yo ez wazena şîrî Îmralî 

2018-02-15 14:55:46


	 

	Safiye Alagaş

	 

	AMED - Hepsîyê PKKyijan ra Veysî Aktaş Adara 2015an de hepisxaneyê Kirikkaleyî ra sewqê hepisxaneyê Girawa Îmralî ame kerdiş. Waya Veysî Sabîha Aktaş dîyar kerde ke bi 33 aşmî yo birayê xo ra xebere nigerewta. Sabîha dîyar kerde ke bi hîrê serrî yo wazena şêro Îmralî û wextê qalê Abdullah Ocalanî kena kelecanê aye çimê aye de yeno vînayîş. Sabîha wina va: "Eke mi bidîne ziwanê mi ameyne girewtiş. Ez nêzana min bivatê çî. Dewlete bi hîrê serrî yo bi sebebê rêze nêverdena ma şêrê Îmralî."

	 

	Şehymus Poyraz, Bayram Kaymaz, Cumalî Karsu, Hasbî Ozdemîr û Hakki Alpan yê bi Rayberê PKKî Abdullah Ocalanî dir girava Îmralî de mendêne 15ê Adara 2015an de uca ra ameyî vetiş û înan eşrawitî hepisxaneyê bînan. Eynî tarîxî de Mehmet Saîk Yildirim, Omer Hayrî Konar, Çetîn Arkaş, Nasrullah Kuran û Veysî Aktaş eşrawitî girawa Îmralî. Her 5 hepsîyê PKKî o wextî de seba xebatê sekreteryaya Abdullah Ocalanî bikerê eşrawitî Îmralî. Hepsîyê eşrawitî Îmralî bi 33 aşmî bi keyeyê xo dir nêeşkeno bikoyê têkilî. Hepsîyê PKKî Veysî Aktaş 1994an de cezaya muebetî yê giran girewt û Adara 2015an de hepisxaneyê Kirikkaleyî ra eşrawitî Îmralî. Keyeyan dîyar kerd ke derheqê şîyayîşê ey de zanayîş nêameyo kerdiş û televîzyon ra zanayîş girewtê.

	 

	Wayîke Veysî Sabîha Aslane dîyar kerde ke verê sewqî ê şîyê pêvînayîş û wina va: "Ma kelecanê ey hîs kerdib. Ma zî bi kelecan bî. Hewteya yewin ê Nîsane de ma va ma şêrê pêvînayîş la ma musay ke berdê Îmralî.” 

	 

	'Ma nêmusay ke çi hîs keno'

	 

	Sabîha ard ziwan ke ê berardişê ey ê Îmralî zaf kêfweş bî û wina va: "Ma pêvînayêşêke nêkerd. Ma nîdî ke çî hîs keno. Gelo çîyê ke bivatêne estbî yan nê. No semed ra ma zî zaf xemgîn bî.

	 

	'Mi waştêne şîrî Îmralî pêvînayîşî' Sabîha ard ziwan ke wexto ke musay ke Veysî berdê Îmralî mi waştêne ez şîrî pêvînayîş û wina va: "Şîyayîşê uca nêbîne nasîbê kesî. Mi va ez şîrî pêvînayîş. La dimayê birayê mi şî, ma pêroyî de yewbînan ra visyay. Xeyala mi bi şîyayîş. Ma vatêne belkî ma Birêz Ocalanî zî bivînê. La her çî zerrîya ma de yo."

	 

	Sabîha wexto ke qalê Ocalan kerdêne kelecanê aye çimê aye ra ameyne eysayne û wina va: "Eke mi bidîne, ziwanê mi ameyne girewtiş. Ez nêzana min bivatêne çi. Dewlete bi hîrê serrî yo bi sebebê pûç nêverdenê ma şêrê Îmralî. Biwazê ma saetekê de eşrawenê uca. Heqê înan ameyê xespkerdiş. Her tewirê tecrîdî kenê. Yewin rayîrê çareserîyê Îmralî de yo.”