Qayûm qezencê cînîyan meydan ra dareno we 

2018-02-15 13:51:13


	 

	ŞIRNEX - Seba Mudurîyê Xizmetê Cinî û Keyeyî yê Şaredarîya Cizîre ke qayûm ame tayînkerdiş, Mahmut Duru wezîfedar kerdî û şaredarîya ke polîtîkayê cinîyan zî amî feskerdiş binê nameyê ‘xebata cinîynan’ de qursê Kuran, nexş û deştişî yenê dayîş.

	 

	Dimayê teşebusê derbeyê 15ê Temmuze ra dima bi OHALî dir KHK yê ke ameyî vetiş seba 98 şaredarîyê DBPî qayûm ame tayînkerdiş. Îradeyê şarî çin ame hesibnayîş û qayûm tayînê şaredarîyan ame kerdiş. Senîn qayûm ame qezencê cinîyan meydan ra ame wedartiş. Dimayê qayûman polîtîkayê cinîyan amî feskerdiş ya zî mudirê camêrdî ameyî wezîfedarkerdiş. Nê rojan zî binê nameyê xebata cinîyan de qursê Kuran, nexş û deştişî yenê dayîş.

	 

	Di sazgehê cinîyan û mudirêke camêrd!

	 

	Şaredarîya Cizîre vera Mudirîyetê Polîtîkayê Cinîyan ‘Wekîlîyê Mudirîyetê Xizmetê Cinî û Keyeyî' ame akerdiş û uca rê zî mudirê camêrdî ameyî tayînkerdiş. Şaredarîya ke yew mudirêke cinî esta, seba Mudirîyetê Xizmetê Cinî û Keyeyî zî Mahmut Duru ardî. Qayûm senîn tayîn bi, xebatkarê cinî yê Merkezê Sitîya Zin a Cinîyan kar ra vetî û aşmî verê de beşêke keyeyê şînî ya Taxa Nur, sey ‘Merkezê Kulturî Cinîyan yê Nûrî' kerdî falîyet.

	 

	Sazgehê cinîyan nê, sazgehê zewacî

	 

	Her di sazgehan de girêdayê şaredarîye de seba cinîyan qursê wendiş-nuştiş, bêrik, xişir, hunerê destan û Kuranî yenê dayîş. Qursî rastê reaksîyonan yenê û goreyê verî cinî kêmî şinê qursan û qursan de qet serê şîdetî cinîyan de nîno vindarnayîş.