Kobanê de komploya mîyanneteweyî amî şermezarkerdiş 

2018-02-14 14:18:16


	 

	KOBANÊ - Rêxistinê Kongra Star bi sloganê “Wayîrvejyayîşê Rayber Apo, wayîrvejyayîşê Efrînî yo", seba şermezarkerdişê komploya mîyanneteweyî kombîyayîşêke viraşt.

	 

	Bi rayberîya Rêxistinê Kongra Star û bi beşdarbîyayîşê desan hemwelatîyê Kantonê Kobanê û bi beşdarbîyayîşê heme sazgehê kantonê Kobanê, merkezê TEV-Çandî ê Baqî Xido kombîyayîşêke seba şermezarkerdişê komploya mîyanneteweyî ame organîzekerdiş. Salona kombîyayîşî bi posterê Rayberê PKKî Abdullah Ocalanî û fotografê xoverdayoxa azadîye Newal Zîlane amebî xemilnayîş.

	 

	Kombîyayîş bi deqeyêke rêzgirewtiş dest pêkerd. Dima ra rayberîya Kongra Star Leyla Çîya roja 15ê Sibate şermezar kerde û wina va: "Dewletê mîyanneteweyî bi amancê vistişê şarê  Rojhelato Mîyanên û seba îqtîdarî ser şarê Kurd bido meşnayîş, na komplo bi ca ardî. Nika bi hêrişê xo yê ser Rojawanî wazenê komplo giran bikerê. La ma sey şarê Kurd, cinîyê Kurd û heme şarê pêameyê Vakurê Sûrîye, lazimo ma serê lingan de bê û bi hêzê xo hemverê dişmin vinderê."

	 

	Heto bîn ra Endema Rayberîya Kongra Star Xalîse Hec Ebdulqadire zî wina va: "Bîyayîş û nêbîyayîşîê ma Kurdan xoverdayîşê Kobanê de aşkere bi, roja ewro de zî xoverdayîşê Efrînê de bieyso. Serkewtişê ke nika Efrîn de yeno kerdiş, bi rêxistinbûyayîşê şar û sîstemê xo yê Federalîyê Vakurê Sûrîye yeno kerdiş û bi ser kewtiş."

	 

	Kombîyayîş bi sloganê "Bicuyo xoverdayîşê Efrînî", "Bê Serek Cu nêbeno" peynî bi.