Eyhan Yûnis: Xoverdayişê Efrînî roşnê ameyoxî yo  

2018-02-13 12:58:36


	 

	Songul Şêxo

	 

	TIL TEMIR - Endama Îdarekara Unîversîteya Şehîd Jîyane, Eyhan Yunise qala hêrişê vera Efrînî kerde û va: “Xoverdayişê sererrî do bi hêzê şar, doman û şervanan serkewte bibo.”

	 

	Hêriş û dagîrkerîya dewleta tirk û çeteyanê DAIŞ, El Nusra û Oso yê vera Efrînî de roja 25. de dewam kenî. Babete ser Endama Îdarekara Unîversîteya Şehîd Jîyane, Eyhan Yunise reaksîyon nawit hêrişanê dewleta tirkî û arde ziwan ke xoverdayişê Efrînî roşnê ameyoxî yo û Efrîn do ser bikewo.

	 

	'Xoverdayişê seserrî finakê erjî yo’

	 

	Eyhane qiseykerdişê xo yê de bale ante xoverdayişê seserrî ser û wina va: “Xoverdayişê seserrî finakê erjî yo. Dewleta tirkî her roje bombe varnena erd, mal, mekteb, goristan û şarê ma ser. Şarê Rojawanê Kurdistanî heta nika vera înan de sere nêronayî. Xoverdayişê seserrî seba dinya bî fînakê têkoşînî.”

	 

	'Doman ameyoxê şaran î’

	 

	Eyhane dewamê qiseykerdişê xo de wina va: “Domanî ameyoxê şaran roşn kenî. Labelê Tirkîya domanan etil kena û bobe erzena mekteban ser. Ganî heme kesî bibî yew û vera zilmî de reaksîyon nîşan bidî. Ma amadeyî ke şêrî Efrînî.”

	 

	Her ca Efrîn o, her ca xoverdayiş o

	 

	Eyhane qiseykerdişê xo yê peyênan de zî wina va: “Şarê Efrînî tena nîyo. Her ca Efrîn o,