Cinîyê Kobaniyijî: Komplo hemverê merdimayî û aştîye ameya kerdiş

2018-02-12 12:09:33


	 

	KOBANÊ - Seba komploya mîyanneteweyî ke 9ê Teşrîna Verêne 1998an de dest pêkerd 19 serrî derbaz bi. Cinîyê dewa Elpelorî ke Rayberê PKKî Abdullah Ocalan 40 rojî a dewe de mendib, dîyar kerdî ke komplo hemverê merdimayî û aştîye ameya kerdiş.

	 

	Serê komploya mîyanneteweyî ke 9ê Teşrîna Peyêne 1998an de dest pêkerd û bi sebebê girewtişê Rayberê  PKKî Abdullah Ocalanî, 19 serre derbaz bi. Têkilîyê Komploya 9ê teşrîna peyêne cinîyê dewa Elpelorî yê qezaya Qinê yî Kantonê Kobanî hîsê xo ardî ziwan û vatî: "Ma komploya mîyanneteweyî bi ziwanêke şîdetîn şermezar kenê. Komploya ke hemverê destkewteyê kurdan virazya nêrêseya amancê xo û serkewtiş do Şarê Kurdan bo."

	 

	'Azadîya Abdullah Ocalanî azadîya cuyake hempar a'

	 

	Derheqê komployê mîyanneteweyî de Sabah Şukrî Xelefe qisey kerde û wina va: "Amancê dewlete tirkan caardişê komployî de çinkerdişê îradeyê şarê kurdî yo. Ma wazenê no tecrîdo giran serê Rayberê ma wirzo û azad bibo. Çunke azadîya Serekê ma azadîya cuyake hempar a."

	 

	'Ma koletî qebûl nêkenê' 

	 

	Ferîde Qadir ard ziwan ke ê koletî qebûl nêkenê û wina va: "Ma seba Efrîn û Serekê xo têkoşîn da ke ma zincîrê koletî bişiknê û ma azadîya xo bi dest bikerê. Ma na komplo şermezar kenê û ma vanê serkewtiş do şarê ma kurdan bo."

	 

	'Hêzê ma dinya de do bibo nimûne'

	 

	Zehra Mistefa dîyar kerde ke hêzê şarê kurdan ê tarîxî de û heta nika ra dinya rê benê nimûne û wina va: "Şarê  kurdî her dem bi rûmetêke xo sere wedarnayî. Nika zî Efrîn de sere wedarnenê. Bi hêz û quwetê xo yê tarîxî ma do Serekê xo azad bikerê."

	 

	'Abdullah Ocalan nîşanê aştî û komelê azad o'

	 

	Şemsê Mela Yusufe dîyar kerde ke komplo bi hewldayîşê cinîyan veng vejîyo û wina va: "Abdullah Ocalan nîşanê aştî û komelêke azad o. Gerek ma fikr û zanayîşê ey rê wayîr vejyê û xo bipawê."

	 

	'Ê do nêeşkê rojê ma tarî bikerê'

	 

	Gulistan Qadire zî ard ziwan ke kesêke zî do nêeşko rojê înan tarî bikero û wina va: "Cinîya azad û averşîyayîşe fikr û zanayîşê Rayber Apo feyz girewta. No semed ra seba komelêke azad û xoser gerek ma rêçe fikrê Rayberê xo de bê û seba azadîya ey têkoşîn bikerê."