Sûka tarîxî ya Suryanî terkê qedere aye ame kerdiş 

2018-02-11 13:56:38


	 

	MÊRDÎN - Sûka Suryanî ya tarîxî ya Kerboranê Mêrdînî terkê qederê aye ame kerdiş. Sûka ke şaredarî xebate viraşta nêmeşnena, tena çend esnaf mendê û kerrayê sûka tarîxî zî roj bi roje konê.

	 

	Kerboranê Mêrdînî de Sûka Suryanî ya sesarranê 17îne ra menda, no semed ra bêeleqebîyayîş ra wêran bîya. Sûka ke wextê xo de heme sektorê bazirganî rê keyewanî kerda, nika çend esnaf mendê. Sûka ke taybetîya xo her ke şina vinî kena, bendê restokerdişî ya. Hemwelatî dîyar kerdî ke semedo ke turîzmî rê abibo gerek bêro restorekerdiş.

	 

	Dimayê qayûm tayînê şaredarî bi dima, sûke pêroyîde amî xovîrrakerdiş û xebatê pakîtî zî nînê kerdiş, dês raşênenê. Kerrayê dêsî konê û çop nîno komkerdiş. Esnafê ke mendê seba no halî dikanê xo gênê.

	 

	'Wa turîzmî bêra akerdiş'

	 

	Hanim Aslane ard ziwan ke qezaya Suryanî de nêmendê û hemwelatîyê bînî zî tîya tercîh nêkenê û wina va: "Verê tîya pir bi. Zaf qelabalix bi. Nika kes nêmendo. Her roje esnafêke dikanê xo gênê. Yê mendê zî karê înan xerab o. Şaredarî qet eleqeder nêbena. Eke tîya bêro restorekerdiş do zaf baş bo. Do turîzmê rê bêro akerdiş."