
'Ma do bi coşê Kongra Efrînî selam bikerê' 

2018-02-04 11:47:29


	&nbsp;

	Şehrîban Aslan

	&nbsp;

	AMED - Hemsereka HDPî ya Amedî Fîlîz Buluttekîne verê hîrên kongreya partîya xo qalê xebatan kerde û dîyar kerde ke şar wayîr HDPî vejênê û va do bi coşê kongra, Efrînî selam bikerê.

	&nbsp;

	HDP 11ê Sibate de hîrên kongreya xo Enqere de viraznena. Amadekarîyê kongre bê mabên dewam kenê. Amed de zî xebatê kongredewam kenê û Hemsereka HDPî ya Amedî Fîlîz Buluttekîne derheqê xebatan de qisey kerde û va şar moral û motîvasyonêke pîl dano înan.

	&nbsp;

	'Şar piştdayîşêke pîl dano'

	&nbsp;

	Fîlîze ard ziwan ke wexto ke derg o seba kongre xebate kenê û di hewte zêdeyî yo xebate dewam kena û wina va: "Ma bi îdarekar û xebatkarê HDPî dir serdayîşê esnaf û keyan kerd. Coş û piştdayîşê şarî pîl o. Her çiqas îqtîdar hewl bido xebat veng vejîyê zî ma do xebatan dewam bikerê. Ma şewe şinê kahwe, kafe, keye û kuçan. Ma proses şarî dir şîrove kenê."

	&nbsp;

	‘Coşêke pîl esto'

	&nbsp;

	Fîlîze tewr peynî va ke şarê Amedî xeylê pozîtîf nêzdî benê û wina va: "Hemverê Kongre eleqeyêke pîl esto. Eynî wextî de hêrsê înan zî esto. Ma moralê ke şarî ra girewto, ma do pêvînayîşê aştî û demokrasî kongreya xo de viraznê. Ma texmîn kenê do 2 hezarî şar beşdarê kongre bibê. Ma do bi coşê kongre Efrînî selam bikerê. Ma do aştî hêdî hêdî bîyarê."

	&nbsp;