Ayşe Hiso: Do ti kes nêeşko warê Arîn Mîrkane birijno 

2018-01-25 13:16:22


	 

	Civîn Husên - Felek Musa

	 

	QAMIŞLO - Hemsereka PYDî Ayşe Hiso hêrişê dewleta tirkî serê mintiqaya Efrînî de şîrove kerde û va: "Dewleta tirkî do nêeşko derbazê warê Arîn Mîrkan bibo û birijno. Çunke Efrîn kela xoverdayîşî yo."

	 

	Hemsereka Partîya Yewîya Demokratîk (PYD) Ayşe Hiso hêrişê artêşa dewleta tirkî serê mintiqaya Efrînî şîrove kerde û va: Sey ke her kes zano dewleta dagirker a tirkan û hemkarê înan çend rojî yo bi teyareyê şer û çekê giran hêrişê mintiqaya Efrînî kenê. Tirkîya vatêne ma do hewteyêke de bikoyê Efrîn û birijnê. La do hewldayîşê înan veng vejîyo, semedo ke Efrîn warê Arîn Mîrkan o û kela xoverdayîşî yo."

	 

	'Dewleta tirkan hêrişê sivîlan kena'

	 

	Ayşe ard ziwan ke goreyê îzahatê dewleta Tirkan dana û çapemenîya xo de vila kena ê tena hêrişê nûkteyê leşkerî kenê labelê hêrişê sivîlan zî kenê û wina va: "Qirkerdişê hemverê sivîlan kenê. Doman, cinî û kalan seba berjewendî û zîhnîyetê xo yê Osmanî rê kenê qurban."

	 

	'YPJ-YPG û QSD' herra Efrînî û sivîlan pawenê'

	 

	Ayşe bale ant ser xoverdayîşê bêhempa ke Efrîn de yeno kerdiş û wina va: "Şerwanê YPJ/YPG û QSDî bi xoverdayîşêke bêhempa hêrişê dewleta tirkî veng vejenê. Şerwanî pawitişê şarê sivîl kenê û nêverdenê ke dişmin sînorê Efrînî derbaz bikero. Şar bi hêz û bawerîya xo kîşte şerwanan de ca gênê û hetkarîya înan kenê. Efrîno firaz bi girêdayîş, xoverdayîş û bi herra xo yeno naskerdiş. Warê Arîn Mîrkan, cinîya azad û xoser kesêke nêeşkeno îşgal bikero."

	 

	'Efrîn tena nîyo şerwan û şarê ey piştî ey de yê'

	 

	Ayşe ard ziwan ke bêvengîyê Rusya û antişê ci ê Efrînî yena manaya hemkarîya bi Tirkîya û wina va: "Qaşo Rûsya vana ma seba çareserî Sûrîye rê bivînê, ma hewl danê la bi piştdayîşê Tirkîya dir têmînyayîş girs beno. Wa heme kes bizano ke Efrîn tena nîyo, şerwan û şarê ey piştî ey de yo. Do Efrîn bibo goristanê îqtîdaran.

	 

	'Ganî ma tarîxê xoverdayîşê Efrînî binusnê'

	 

	Ayşe veng da heme şaran ke xoverdayîşê Efrînî rê wayîr vejyê û wina qiseykerdişê xo qedêna: "Wa heme ciwanî beşdarê mîyanê refê pawitişî bibê. Bi xoverdayîşê şarî do Efrîn bibo nimûne. Ganî ma tarîxê xoverdayîşê Efrînî binusnê û bi serewedartişê xo yê bêhempa cewabê îqtîdaran bidê."