Cinî: Peynîya no şerî bîyarê 

2018-01-24 14:56:58


	 

	STENBOL - Cinîyan reaksîyon hemverê hêrişê Tirkîya hemverê Efrînî dayî û vatî polîtîkayê dagirkerdişî yo û wina vatî: "Şer de en zêde cinî û domanî bi bandure benê. Gerek peynîya no hêrişê bêro dayene."

	Reaksîyonê hemverê hêrişê Tirkîya Efrînî dewam kenê. Cinîyê pawitoxê heqê merdiman bale ante ser polîtîkayê şer yê Tirkiye û vatî ganî no şer peynî bibo.

	'Şar aştîye wazeno'

	Xoverdayoxa Yukselî , Acun Karadaga dîyar kerde ke ê sey şarî hetê ti şerî nîyê û va ê tena verê şerê hemverê emperyalîzmî de yeno dayane de yê. Acune ard ziwan ke her dem hemverê şerî yê û aştîye wazenê.

	Ece Kutlu: Hemverê şerî ma aştîye girs bikerê 

	Nuştoxe Ece Kutlu zî ard ziwan ke prosesêke bi endîşeyînî de yê û wina va: "Ma kewtî prosesê şer. Proses tena seba feydeyê şaran nîyo. Ma hewl danê ke fam bikerê ka se beno. Gerek ma hemverê şer vinderê û têkoşîn girs bikerê."

	Zale: Ma hemverê şer qîrnayîş berz bikerê

	Aktîvîsta heqê merdiman Zale Karedemîr zî da zanayîş ke şer tewr zêde bandure ser cinî û domanan de keno û va semeod ke nê di komî zêde bandure nêbê ganî şer biqedîyo û wina va: "Çi karê leşkeran hetê bîn ê sînorî esto. Gerek hemverê şerî qêrîn bêro eşnawitiş."