Mudiro ke kar ra ame dûrvistiş, mektebanê cîya de suc kerdo  

2018-01-17 13:01:56


	 

	AMED - Farqînê Amedî de wendekarêke lîse hetê mudirê mektebe M.D ra rastê îstîsmaro zayendî amî û derheqê hedîse de cigêrayîş ame destpêkerdiş dewam keno. La ame zanayîş ke M.D mektebê ke verê xebityayo xeylê domanan îstîsmar kerdo.

	Qezaya Farqînê Amedî de lîseyêke de wendekarêke hetê mudirê mektebe M.D û wezîfedarê asayîşî ra rastê stîsmaro zayendî amebî. M.D û xebatkarê asayîşî bi vatiş û mesajê telefonî domane/î bi hawayêke sîstematîk îstîsmar kerdî. Keyeyî derheqê înan de gerre kerd. M.D û xebatkarê asayîşî ameyî tepiştiş û dimayê îfade ameyî veradayîş.

	Semedê dosya cigêrayîşî zî qeraro nimte ardî û mudiro ke serbest ame veradayîş, nîno zanayîş ke ça de yo. Keye pêwa gerrekerdişî ke kerdî, mudir ame veradayîş. Keyeyî reaksîyon mojna ra û dîyar kerdî ke do taqîbkerdoxê cigêrayîşî bê.

	'Wa wexîfeyê ey peynî bidê ci'

	Heto bîn ra wendekaran dîyar kerd ke, semedê rewşe bi endîşeyîn ê û vatî ê nêwazenê mudir reyna ageyro mektebe û wina vatî: "Nika mektebe de asayîşê ma çin o. Pêwa gerrekerdişî ey vera dayî. Nika mektebe de xêrcê reaksîyonî çîyêk çin o. Kesêke bi îstîsmar ameyê rojev gerek peynî bidê wezîfeyê înan."

	Eynî suc ra ameyo surgunkerdiş

	Ame zanayîş ke semedê hedîseya îstîsmarî ameya cuyayîş, xeylê keyeyan domanê xo mektebe ra girewtê û eşrawitê cayêk bîn. Wendekaran va mudirê mektebe M.D verê zî mektebê cîyan ra seba sucê bi no rengî ameyo surgunkerdiş.

	Mudiro ke derheqê ey de qerarê tepiştişî ameyo vetiş, 10 roj dimayê hedîse netîceyê cigêrayîşê îdarî yê Mudirîyê Perwerde ra wezîfera ame dûrvistiş.