'Hewldayîşê ma yê awankerdişê komelê exlaqî û polîtîk do dewam bikero' 

2018-01-16 14:32:32


	 

	Duygu Cînîvîz

	 

	AMED - Endama PMî DBPî Ayşe Çelîkbîleke reaksîyon hemverê vatişê  Tayîp Erdoganî sey 'Ma gelo ê erj zanê? Nê heyran înan dir çîyêk wina esto? Verê înan de merdiman dir xizmet, rêzdarî çin o. Eke şima xizmet bikerê, şima dişminê înan ê. Gerek merdim înan rê xizmet nêkero, halê înan de verdê' û dîyar kerd ke cewabo en baş do waran û ser sindoqan de bêro dayîş.

	 

	Serekkomar Tayîp Edogan kombayayîşê Şuraya Aksaray de bi qeymeqaman dir amebi têhet û vatib:  re pêk hat de ku axivî û gotibû: "Ma gelo ê erj zanê? Nê heyran înan dir çîyêk wina esto? Verê înan de merdiman dir xizmet, rêzdarî çin o. Eke şima xizmet bikerê, şima dişminê înan ê. Gerek merdim înan rê xizmet nêkero, halê înan de verdê' û dîyar kerd ke cewabo en baş do waran û ser sindoqan de bêro dayîş." Endama PMî DBPî Ayşe Çelîkbîleke ajansê ma rê qisey kerde û rekasîyon hemverê qiseykerdişê Tayyîp Erdoganî da.

	 

	'Îradeyê şarî çin yeno hesibnayîş'

	 

	Ayşe bale ante ser qeyûmê ke tayînê şardarîyê DBPî bîyê û dîyar kerde ke îradeyê şarî ameyo çinkerdiş û sey îşgalkerdoxan dest dayê ser şaredarîyan û wina va: "Şaredarîyê ma yê ameyî desteserkerdiş, kerdê sey qereqolan û heme têkilî şarî ra ameyê birnayîş. Prosesêke wina de îzahatêke wina semedê ma îzahatêke rêze ra nîyo."

	 

	'Projeyêke semedê şarî ameyê kerdiş çin ê'

	 

	Ayşe da zanayîş ke serra 2016an de derheqê xebatê butçe de şarî rê zanayîş nîno dayîş û wina va: "Bi destê îqtîdarî vera şaredarî xebatê semedê şarî bikerê, xebatê qerekolan kenê. Projeyêke semedê şarî ameyo kerdiş çin o. Şaredarîyê DBPî heta nika bi felsefe û paradîgmayê xo heme xebatê xo yê sîyasî ser nameyê şarî de kenê. Tîya ra tepya zî xebatê ma dewam bikerê. Ma do israrê xo yê komelo azadîwaşt, ekolojîk û demokratîk de dewam bikerê."

	 

	'No zîhnîyetî de heskerdişê domanan çin o'

	 

	Ayşe da zanayîş ke her wext hetê îqtîdar û qayûm ra heskerdişê domanan yeno ziwan, la parko ke semedê vîrardişê Ceylan Onkol amebi viraştiş, ame vurnayîş. Abîdeyê semedê vîrardişê Ugur Kaymaz amebi viraştiş wedarnayî. Ayşe da zanayîş ke zîhnîyetê heskerdişê domanan çin o û va domanê kurdan her wext hedef yenê girewtiş.