Îdeya 90 serrî bê nasneme cuyena û hewl dana ke bîyayîşê xo îspat bikera

2018-01-15 12:58:10


	 

	Hîkmet Tunç

	 

	WAN - Îde Erola ke qezaya Artemîtê Wanî de cuyena, semedo ke nasnameyê aye çin o bi 90 serre yo nêeşkena ke îspat bikero Tirkîya ra ya. Maya Îde bi 3 serrî felç bîya, semedo ke nasnameyê aye çîn o, nêeşkena şêro nêweşxane.

	 

	Îde Erola 90 serrî ke taxa Suphana Artemîtî Wanî de cuyena, semedo ke nêeşkena îspat bikero Tirkîya ra ya 90 serre yo bê nasname cuyena. Îde ke wextê ke derg o lazimî bi nasname nêdî, la wexto ke problemê aye weşî dest pêkenê, bi mexdurîyetêke pîl cuyena. Îdeya ke 11 serre yo mîyanê nivînan de ya, semedo ke nasnameyê aye çin o, nêweşxane ra ageyrena. Semedo ke asayîşê aye weşî zî çin o bê senet yeno îmzakerdiş, dima ra yena dermankerdiş la semedo ke şîyayeyê nêweşxane û dermanan nêeşkena deynê xo zî bido.  

	 

	Veyva Îde, Meryem Erole wina va: "Dayîk û pîyê Îde, Şax de yenê dinya û mirenê. Maya Îde emrê qij de bi merdimê xo dir ameya zewicnayîş. Dima ra mêrdeyê aye cinîyêke bîne dir zewicêno. Îde cinîya yewin a, la mehrê fermî semedê cinîya diyîne birneno. Heme domanî ser cinîya qij de ameyê qeydkerdiş. Heta ke weşîya Îde xêra nêbibi, nêşîya sazgehê dewlete û lazimî bi nasname nidîyo. La hîrê serre yo semedê nêweşî lazimî bi nasname esto."

	 

	'Halê ma yê ekonomî baş nîyo'

	 

	Meryeme dîyar kerde ke wexto ke mêrdeyê Îde mireno, verê lajê xo de manena û wina va: "Her ke emrê ci aver şi, problemê weşîye zî vejyayî. Mêrdeyê mi zî rojêk xebityeno û rojêke nêxebityeno. Xeylê rey pere zî qezenc nêkeno. Halê ma yê ekonomî zî baş nîyo. Çar domanê mi estê. Ma nêeşkenê lazimîyê mektebe zî peyda bikerê."

	 

	'Semedo ke derman nêqedîyo ma hîrê rojan ra reyke danê'

	 

	Meryeme dewam de ard ziwan ke seba nêweşîya maya Îde gerek werd goreyê aye bêro dayîş la tena 800 TL gêna û va: "Semedê dermanê tansîyone nêqedîyo, gerek her roje derman bidî ci la hîrê rojan ra reyke ez dana. Semedo ke felca nêeşkena çîyêk bikero. Nêeşkena şêro tuwalet. Doktorî vanê gerek cayê aye pak bo. La îmkanê ma çin ê. Semedo ke ma tespît hemwelatîya Tirkîyaya, nasname nêvejîya.  Mudirê nifûse zî va Îde Iraq ra ya. Mêrdeyê mi şi Iraq la Iraq zî qebûl nêkerd. Ma mexdurîyetêke pîl cuyenê. Ma hetkarîya hemwelatîyan û selahîyetdaran pawenê."