Meclîsê Cinîyan ra semedê roniştişê Emîna vengdayîş 

2018-01-14 13:26:13


	 

	STENBOL - Semedê roniştişê dewaya cinîya bi nameyê Emanî Al- Rahmun dimayê ke Sakarya de bi hêrişê zayendî dir rî bi r mende û amî qetilkerdiş ke do siba bêro vînayîş. Meclîsê Cinîyan ê Stenbolî  Sultan Gurbeye veng da heme pawitişê heqê cinîyan ke beşdarê dewa bê.

	 

	Roniştişê diyîn ê dewaya Bîrol Karaca û Celal Bayo ke qezaya  Sakarya Kaynarca de 6ê temmuze serra derbaz bî de cinîya bi nameyê Emanî Al-Rahmuna ke 9 aşme di ganî bî û domana aye 10 aşme qetilkerdî, do siba 1in Dadgeha Cezaya Giran ya Sakarya de bêro vînayîş. Meclisê Cinîyan ê Stenbolî Sultan Gurbeye bale ante ser hukmkerdişê camêrdê ke tepişnaye yenê hukmkerdiş û semedê înan cezaya heta bi heta a giran yena waştiş û va ke qetilkerdişê aşma temmuze de ame kerdiş, tena kiştişê cinîyêke nêbi, ard vîr ke eynî wextî de 2 domanî zî ameyî qetilkerdiş. No qirkerdiş de sucê nefretî ameyo kerdiş û no qetilkerdiş mîyanê xo de dişminîyê hemverê xerîban zî mîyanê xo de hewêneno. Sultane veng da heme pawitoxê cinîyan û va ke beşdarê roniştişê siba dewaya 1in Dadgeha Cezaya Giran ya Sakarya de bêro vînayîş bibê.

	 

	'Sîstem kiştişê cinîyan asteng nêkeno'

	 

	Sultane dewamê qiseykerdişê xo de dîyar kerde ke bendeyê siba dewa netîce bo û wina va: "Sey dewaya Ozgecan de ame kerdiş, do na dewa zî lez netîce bibo. Semedo ke di camêrdan zî va, ê bi plan hereket kerdê û delîlî zî estê." Sultane bale ant ser bêcezaverdişê kiştoxan ê hetê hukmatî ra zî wina va: "Cezakerdişê camêrdêke bi rayîrê cinî yena kerdiş. Semedo ke sîstem bi hawayêke zelal kiştişê cinîyan nêvano nê û nêbeno asteng. Do kiştişê cinîyan dewam bikero."

	 

	'Gerek heme cinîyê têkoşer wayîr vejyê'

	 

	Sultane en peynî semedê beşdarbîyayîşê dewa raya pêroyî rê vengdayîş kerde û wina va: "Ez bawerî kena ke do na dewa bibo nimûne. Dewaya Emania do bale bianco serê îhlalkerdişê heqê cinîyê koçber û multecîyan. No semed ra ez vana semedê heme cinîyan heqê cuyayîşî têkoşîn kenê na dewa rê wayîr vejyê."