Weçînayîşê hemserekîyê meclîsan mintiqaya Efrînî de peynî bî 

2018-01-11 12:14:26


	 

	EFRÎN - Meclîsê Kantonê Efrînî weçînayîşê hemserekîyê meclîsan û şaredarîyan, mintiqaya Efrînî de bi peynî kerdî.

	 

	Semedê weçînayîşê hemserekîyê meclîsê  qezayan û şaredarîyan ,Meclîsê Kantonê Efrînî bi amadebîyayîşê namzedê bi serkewtê û Komîserîyê Berz ê Weçînayîşî kombîyayîşêke merkezê Tevgerê Komelê Demokratîk (TEV-DEM) qezaya Efrîno Kan de viraşt.

	 

	Dimayê deqeyêke rêzgirewtişî, ser nameyê meclisê kantonê Efrînî de heme namzedê ke bi serkewtê ameyî pîrozkerdiş û dima ra weçînayîşê hemserekîyê Meclîsê Qezaya Efrîno Kan de hetê Komîserîyê Berz ê Weçînayîşan dest pêkerd. Netîceyê nê weçînayîşan de Fîdan Ebdo û Ehmed Mûse bî hemserek û Hêvîn Dewd û Mustefa Ebdo bî temsîlkarê înan.

	 

	Dimayê peynîbîyayîşê hemserekê meclîsan û temsîlkarê înan, weçînayîşê hemserekê şaredarîyan dest pêkerd. Netîceyê weçînayîşî de zî Neîle Mehmud, Enwe Mustefa bî hemserekê şaredarîya Qezaya Efrîno Kan û Ruxaş Weqas Û Fexrî Siêmene zî semedê temsîlkarê hemserekê şaredarî ameyî weçînayîş.

	 

	Kombîyayîş bi spaskerdişê hemserek û temsîlkarê înan yê serkewte bîyê peynî bi.