Weşanê Aramî fuarê kitaban de yo 

2018-01-09 13:16:01


	 

	Fîlîz Zeyrek

	 

	EDENE - Weşanê Aramî 11in Fuarê Kitaban ê  Çukurova de bi 5 kitabê newe û sera zêde berardişan ra standê xo akerd. Ma bî meymanê standê Aramî.  Xebatkara weşanê Aramî Evîn Ersene dîyar kerde ke pêwa astengî û tedayan eleqeyê wendekar kêm nêbîyo û va terso ke ameyo awankerdiş şikyayo.

	 

	11in Fuarê Kitaban ê Çukurova, Merkezê Kongre û Fuarî yê Mîyanneteweyî yê Edene ê TUYAPî de heskerdoxê kitaban rê ame akerdiş. Fuaro ke weşanê Aram, AVA, Kor û Aras zî tede ca gênê, emsar 11ine virazya. Fuar mabêne 06-14ê Çele de do meymananê xo bihewno. Fuard de xeylê naskerdişê kitaban yeno kerdiş. Eynî wextî de bernameyê sey rojê îmzeyan û panel zî virazyê.

	 

	'Pêwa astengîyan ma tîya yê' 

	 

	Weşanxaneyo bi şîarê ‘Aram Roşn o' 5 kıtabö newe vet verniye wendoxan ü sera zöde kıtaban stand de bı ca kerd. Xebatkara weşanê Arami Evîn Ersene ard ziwan ke pêwa heme teda û astengîyan înan fuar de ca girewto. Evîne dewam de heme wendoxan dawetê standê xo kerd û nê çî ard ziwan: "Ma weşanê xo tîya wendoxan rê pêşkêş kenê. Ma hem berardişê edebîyatkaranê Kurd û hem zî berardişê Tirkî ameyê weşanayîş, bi ca kerd."

	 

	Eleqe kêm nêbeno

	 

	Evîne ard ziwan ke netîceyê OHAL û KHKyan de xeylê kitabê Aramî ameyê qedexekerdiş û wina va: "Pêwa nê çîyan eleqeyê wendoxan kêm nêbeno. Wazenê wendoxan dûr verdê, la pêwa heme çî wendoxî wayîrê berardişanê xo vejênê. Wendoxan eleqeyêke pîl mojenê ra. Rotişê kitaban ra wateyîn, girîng o yo ke kitab bireso destê wendoxan. No semed ra fuar seba ma bi îmkan. Goreyê serra parîn atmosferêke pozîtîf esto. Ma vînenê ke terso ke ameyo awankerdiş şikyayo. Kitaban de kategorîya vîrardiş, roman û cigêrayîş hîna yenê tercîhkerdiş."