'Ma destûr nêdanê ke domananê ma bidejnê' 

2018-01-08 12:47:23


	 

	Fîlîz Zeyrek

	 

	EDENE - ukmatê AKPyî caardişê ‘kincê yew tîpî’ bi KHKyê peyên kerd merhela. Reaksîyon hepsîyan ser de ferzkerdişê kincê yew tîpî dewam kenê. Merdimê hepsîyan wina vatî: "Bedel çi beno wa bibo, ma do destûr nêdanê ke domananê ma bidejnê. Ganî no caardiş peyser bêro antiş."

	 

	Hukmatê AKPyî bi KHKyê hûmara 696. wazeno ke caardişê ‘kincê yew tîpî’ zindanan de bikero merhela. Merdimê hepsîyê Edeneyî reaksîyon nawitî hepsîyan ser de ferzkerdişê kincê yew tîpî. Keyeyê hepsîyan dayî  zanayîş ke vera ferzkerdişê ‘kincê yew tîpî’ de do piştî bidî domananê xo û înan reyde têkoşîn bikerî û wina vatî: "Bedel çi beno wa bibo ma do destûr nêdê ke domananê ma bidejnê. Ganî no caardiş peyser bêro antiş."

	 

	Seba merdimê hepsîyan vengdayîş

	 

	Cinîya bi nameyê Saadet Eye ke merdimê hepsîyan ra ya, da zanayîş ke ê amadeyê ke domananê xo reyde kefen xo ra bidî û wina va: “Ferzkerdişê 'kincê yew tîpî’ sûcê merdimayî yo. FETOyî mehne kenê, labelê armancê înan yê esasî o yo ke hepsîyanê sîyasî esîr bigîrî. Ma merdimê hepsîyan do qetî caardişê ‘kincê yew tîpî’ qebûl nêkerê. Bedel çi beno wa bibo ma do hetê hepsîyan de xover bidê. Nika ra veng zindanan re berz yeno. Ez veng dana heme keyeyê bi rûmetan; ma seba doz û rûmetê înan yê heqdar xover bidî."

	 

	Heta çilka peyîn!

	 

	Esma Gunsele zî qiseykerdişê xo de daye zanayîş ke ê seba cuyake bi rûmet, seba xoverdayîşî amade yî û va do heta çilka peyîn ya kişte hepsîyan de ca bigîrî.