'Ma do têkoşînê Fîdan Dogane dewam bikerê'

2018-01-08 12:38:47


	 

	Berçem Cudî 

	 

	QAMIŞLO - Endama Têkilîyê Dîplomasîya Kongra Star Mekîya Hisî semedê sergerra qirkerdişê Parîs yê 5ine qisey kerde û va: "Ma do têkoşînê embaz Fîdan Dogane dewam bikerê." 

	 

	Bi munasebetê sergerra 5ine qirkerdişê Parîsî ke MÎTê tirkan kerdib û netîceyê ci de yew awankerdoxa PKKî ra Sakîne Cansiz, Leyla Şaylemaz Kadroya Tevgerê Ciwanê Ewropayî û Fîdan Dogan Endama Têkilîyê Dîplomasî yê cinîyan bî cuya xo vinî kerdî. Endama Têkiliyê Dîplomasîyê Kongreya Starî yê Kontonê Qamişlo mintiqaya Cizîre Mekîya Hisî şîroveyê girîng kerde û têkoşeran ardî vîr û va, "Şehîdê cinî rayberê cuya azad ê." 

	 

	Fîdan Dogane nasnameyê cinîya kurd da naskerdiş 

	 

	Mekîya destpêk de qiseykerdişê xo de va hîrê embazî semedê pêroyîyê cinîyê kurdan bîyê rayber û wina va: "Embaz Fîdan Dogan reya ewil cinîyake kurd, kesayetê cinîyê kurdan Ewropa de da naskerdiş û kar û xebatê xo ser bingehê fikrê Rayberê PKKî Abdulah Ocalanî rayîra berdêne." 

	 

	Dimayê rayber Apo, komployê qirkerdişê Parîsî  

	 

	Mekîya qiseykerdişê xo de da zanayîş ke qirkerdişê paytextê Fransa Parîs de virazya komployêke bîn bi û wina dewam kerd: "Kiştişê hîrê şorişgêrê cinîyê kurdan kompoloyêke bîn bi, senîn ke Tirkîya ser ê Rayberê şarê Kurd Abdulah Ocalanî komplo viraşt, Parîs de zî kerdî. Tirkîya bi komplo waşt ke kesayetê embaza Sakîne, Fîdan û Leyla de nasnameyê cinî qetil bikerê. La ewro bi hezaran cinî ser rayîrê înan de yê û dewaya înan taqîb kenê." 

	 

	Cinîyê dîplomat ser rêçe Fîdan Dogane de yê

	 

	Mekîya Hiso peynîya qiseykerdişê xo de va ke hîrê şorişgêrê kurd semedo ke rayberîya cinîyê azad kerdî ameyî qetilkerdiş û wina va: "Ma sey cinîyê dîplomat senîn ke embaza ma Fîdan eşkayne temsîlê cinîyan bikera û nasnameyê cinîyê kurdan temamê  Ewropa bido naskerdiş, ma zî ewro ser rêçê aye de bê û ma do têkoşînê aye dewam bikerê."