'Qorîcî daranê ke birnenê pêşkêşê dewlete kenê' 

2018-01-05 13:07:47


	 

	ŞIRNEX - Mintiqaya mabêne Balveren û Qilqabanî ke 10 kîlometre Şirnexî ra dûrî ya, bi sebebê 'asayîşî' bi çend aşme yo bi seyan darî yenê birnayîş. Pêwa reaksîyonê şarî qirkerdişê daran dewam keno û hemwelatî derheqê birnayîşê daran de wina vatî: "Qorîcî hem birnenê û hem zî dest danê ser û hem zî pêşkêşê dewlete kenê."

	 

	Kurdistan de heme aşma hamnanî binê nameyê  binê nameyê ‘operasyonê leşkerî’ de Dêrsim, Amed û Mêrdîn de bi hezaran hektar warê daristanan ameyî veşnayîş. Kurdistano ke dişminîyê hemverê xoza her ke şino zêde beno, nika zî bi sebebê asayîşî darî yenê birnayîş. Şirnexo ke serre peyîn de semedê pêrodayîşê xidarî ke yenê cuyayîş bi aşman sebebê ‘asayîşî' darî yenê birnayîş. Mintiqaya bajarokê Balvegeranî heta Qilabanî derg bena û 10 kîlometre merkezê Şirnexî ra dûrî ya, bi seyan darî amî birnayîş. Ame zanayîş ke erdê aîdî kesan zî bê destûrê înan, darê înan ameyî birnayîş û dest dayî ser.

	 

	'Qorîcî daran pêşkêşê dewlete kenê'

	 

	Darê ke hetê leşker û qorîcîyan ra ameyê desteserkerdiş, verê rayîrî de yenê vindarnayîş û pêwa reaksîyonan qirkerdişê daran dewam keno. Hemwelatî dîyar kerdî ke darê ke ameyê birnayîş nînê ramitiş û wina vatî: "Bi aşman o birnayîş dewam keno. Bi hezaran darî ameyî birnayîş. Her çiqas dewijî vajê vinderê zî, nêvindenê. Qorîcî hem birnenê, hem zî dest danê ser û hem zî pêşkêşê dewlete kenê. La Homa zano do nê darî heta çend serre badê cu bêrê. Xeylê zirarê ci semedê mintiqa esto. Bi sebebê asayîş û operasyonan daran birnenê. La çi zirarê nê daran esto?"