DYK atolyeyê femînîzmî da destpêkerdiş: Wa vatişê cinîyan zêde bibo 

2018-01-05 12:19:38


	 

	Duygu Erol

	 

	ENQERE - Hetê Rayşîyayîşê Cinîyê Dinya ê Platformê Çalakîyê Mîyanneteweyî ra atolyeyê femînîzmî ameyî destpêkerdiş. Derheqê atolyeyan de Helîn Demîrkente qisey kerde û va: "Hema xeylê çîyê ke ma rîyê yewbînan ra nêewnîyenê û qisey nêkenê estê; şîdet, tacîz, pawitişê xo û mîlîtarzîm. Tena atolyeyê ma nê ez hêvîya bajarê bîn zî sîyasetê bîn zî atolyeyê no rengî bêrê akerdiş û vatişê cinîyan zêde bibo."

	 

	Rayşîyayîşê Cinîyê Dinya ê Platformê Çalakîyê Mîyanneteweyî (DKY) atolyeyê femînîzmî dayî destpêkerdiş. Atolyeya aşmêk de kombîyayîşî de babetê sey ‘hîs û femînîzm’, ‘şîdet û rexneyê femînîst ê hemverê şîdetî’, ‘femînîzm û laîkbîyayîş’ ameyî munaqaşekerdiş û atolyeya çarin de bi babeta 'çapemenî de cinî' Sevîla Çelenk dewam keno. Endama atolyeya Helîn Demîrkente derheqê xebatan de zanayîş da û va atolyeyan de kombîyayîşê berzkerdişê hişmendî virazyayo û eynî wextî de ageryayîşê wextî zî hewineno.

	 

	'Ma va ma bi cinîyan dir bêrê têhet'

	 

	Helîne wina ard ziwan: "Ma hewl da hem virazştişê xo hem zî cinîyan fikrîyenê, nusnenê bîyarê têhet. Netîce de zî fikrê atolye vejya meydan. Ma qararê babete            de atolye de bêrê dayîş da. Dima ra beşdarbîyayîşê ma munaqaşa kerd. Ma waşt cinî bi hawayêke aktîf beşdarê atolyeyan bibê û berpirsîyarê bi hawayêke hempar bikerê. Wina zî bi."

	 

	Helîne peynîye qiseykerdişê xo de da zanayîş ke tevgerê cinîyan ê Tirkîya dinya de yew tevgerêke girîng o û wina va: "Hema xeylê çîyê ma rîyê yewbînan ra nêewnîyenê û qisey nêkenê estê; şîdet, tacîz,pawitişê xoyî û mîlîtarîzm. Tena atolyeyê ma ra ez hêvîya, bajarê bîn zî sîyasetê bîn de zî atolyeyê bi no rengî bêrê kerdiş û vatişê cinîyan zêde bibo."