Westaya lastîkê wesayîtan Fatma: Ez vatişê camêrdan nêfikrîyena

2018-01-04 13:18:37


	 

	Gulîstan Azak 

	 

	GURGUM - Fatma Demîra 35 serrî yo westeya lastikê wesayîtan a dîyar kerde ke ganî her cinî vatişê camêrdan peygoş bikerê û çîyê ke wazenê bikerê vejê meydan û wina va: "Karê ke ez kena, hêzê cinîyan mojnena ra û no zî mi kêfweş keno." 

	 

	Fatma Demîra 55 serrî ya, qezaya Narli yê Gurgumî de her kes ci ra vano westa Fatma. Fatma bi temîrkerdişê lastikê wesayîtan debara xo kena. Fatma karê ke sey ‘karê camêrdan' yeno binamekerdiş, bi serkewtişêke pîl kena û wina vana: "Çîyêke sey ‘karê camêrdan, karê cinîyan' çin o mi waşt ke bimojnî ra ke cinî eşkenê her karî bikerê." 

	 

	'Mi cesaretê xo mojna ra'

	 

	Fatma kîşte kargerîyê xo yê karê tamîratê lastikan kena, dikanêke qij zî xebitnena û serkewtişê xo yê di kargerîyan de wina vana: " Hem marketê mi esto û hem zî ez lastîkan tamîr kena. Kar zehmet o la eke cinî biwazê eşkenê heme çî bikerê. Wexto ke camêrdî mi vînenê şaş manenê. Heta hîn vanê 'na qeşmerîya kamera ya'.  Ez no semed ra zaf kêfweş bena. Mi cesaretê xo mojna ra. Ez hêzê cinîyan mojnena ra û no zî mi kêfweş keno." 

	 

	Fatma ard ziwan ke bi 35 serrî yo no karî kena û va: "Ez ewnîyena her di dikanan ra zî. Nika debare zaf zehmet a. Bi karêke merdim nêeşkenê debara xo bikerê, mi kîşte dikanê xo marketêke qij zî akerd. Her cinî şîrtîqer a. Gerek goş nêdê vatişê camêrdan û çi destê înan ra yeno wa bikerê."