Leyla Guven rê dewaya 'qayûm' amî akerdiş

2018-01-03 12:13:33


	 

	 

	Safiye Alagaş

	 

	ÊLIH - Derheqê Leyla Guven de bi sebebê 15ê Êlule 2016an ke semedê îzahatê çapemenî de protestokerdişê qayûmî de qisey kerda, bi waştişê cezaya heta 7 serran dewa amî akerdiş.

	 

	Serdozgerîya Komara Êlihî derheqê Leyla Guvene de bi sebebê beşdarê îzahatê çapemenîyê protestokerdişê qayûm bîya, îdianame ame amadekerdiş Dozgerî Leyla sey ‘Qaşo hemsereka KCDî’ bi name kerd û ame vatiş ke Leyla qiseykerdişê xo de dewlete mojnayo ra. Îdianame de ca dayî nê îfadeyanê Leyla: “Înan Kurdî kiştê, îşkence kerdê, bîyê sebebê koçberî ke Kurdî xo xo vîr ra bikerê. No qayûm nîyo, xesp o. Serrêke yo warê Îdarekerdişê xoser de heme çî bi şarê ma kerdî. Keyeyê înan rijnayî û merdiman gane bodruman de veşnayî."

	 

	Dozgerî 7 serre waşt

	 

	Dozgerî ke qiseykerdiş şîrove kerd derheqê hemşaredarê Sêrtî Tuncer Bakirhan de ke qayûm tayînê cayê ame kerdiş û ey zî eynî çalakî de qiseykerdiş kerdib de bi îdiaya ‘sazgehê dewlete qij visto' û ‘propagandaya rêxistine kerdo' 1,5 heta 7 serran ceza waşt.

	 

	'Hukmat vuryeno, zîhnîyetê dewlete nêvuryeno'

	 

	8in Dadgeha Cezaya Giran ya Êlihî ke îdianame qebûl kerd derheqê Leyla û Tuncer de dewa akerd. Roniştişê yewin 17ê Kanûne de ame vînayîş û Leyla bi talîmat îfade da û bi Kurdî pawitişê xo kerd.

	 

	Diyîn roniştişê dewa zî 25ê Kanûna 2017 de amî vînayîş. Semedê Tuncer Bakirhan bi veng û SEGBÎS beşdarê roniştişî bibo hewl ame dayîş bi Hepisxaneyê Bolu dir têkilî bêro dayîş la nêbi. Avûkata Leyla, Reyhan Yalçindage zî mazeret neql kerd û beşdar nêbî. Dewa taloqê 22ê Gulane bî.