Hîrê cuyayîşê azadî li xo pêşnayî: Sêvê Pakîze û Fatma 

2018-01-02 12:38:39


	 

	Medîne Mamedoglu-Pîroz Zirig

	 

	ŞIRNEX - Maya Pakîze Nayir ke di serrî verê cu Sîlopî de wextê qedexeyê tebervejyayîşê kuçeyan de bi di embazanê xo dir amî qetilkerdiş, Behîye Nayir dîyar kerde ke aye domanîya xo ra na dewa ra hes kerda û va do taqîbkerdoxê dewaya kêna xo bê.

	 

	Sêvê, Pakîze, Fatma 5ê Çele de Sîlopîyaya Şirnexî de wextê qedexeyê tebervejyayîşê kuçeyan de hîrê sîyasetmedarê cinîyê kurdî hetê  ji aliyê hêzê dewlete ra ameyî qetilkerdiş. Hîrê cinî hemverê guleyan bedenê xo kerdî çeper û azadî ro xo pêşnayî. Ser ê qetilkerdişê înan ra di serrî derbaz bi. Hîkayeya cuya înan cîya Sîlopî de 5ê Çele de bî yew. Yew ê cinîyan ra Pakîze Nayira 24 serrî bî. Pakîze Sîlopî de amî dinya û pîl bî. Emrê xo yê qij de berpirsîyarîyê ekonomî girewtebî. Pakîze 12 serre ya xo de karkerîyê tekstîlî kerdêne. Aşmê wisarî de zî sey karkera ramitişî xebityayne. Pakîze ke heme barê keyeyî dabi ser milê xo hetêk ra zî bî parçeyêke têkoşînê şarê kurd. Pakîze emrê qij de beşdarê xebatê sîyasî û cinîyan bena. Hetêk ra bîn zî dikanê kuafurî akena û dima ra zî bena hemsereka Meclîsê Şar ê Sîlopî.

	 

	Pakîze, Sêvê û Fatma dimayê qedexeyê 14ê Kanûne de Sîlopî de yeno îlankerdiş ra dima 4ê Çele pêrodayîşan de taxa Karşiyaka bi guleyê wesayîtê zirxî yenê birîndarkerdiş û pîya cuya xo vinî kenê. Maya Pakîze dîyar kerde ke se beno wa bibo taqîbkerdoxê dewaya kênaya xo yê.

	 

	Behîye sozê ke da kêna xo bi ca ard û nika serekîya HDPî yê Sîlopî kena. Behîye fotografê kêna xo maç kena û dîyar kena ke qijî ra girêdayê têkoşînê şarê kurdî bîya.

	 

	'Dewa xo ra hes kerdêne'

	 

	Behîye nê çî ardî ziwan: "Pakîze domanîya xo ra dewa xo ra hes kerdêne. Kitab wendêne. Nêheqî qebûl nêkerdêne. Çîyêk bi kesî nêkerdêne. Cinîyêke ciwan bî. Xebityayne. Dikanê ci estbi. Cinîyêke jîyatî bî. Umîdê keyeyê ma bî. Zanaye bî. Zaf pratîk bî. Domanîya xo ra mîyanê na dewa de bî. En peynî zî semedê na dewa cuya xo vinî kerde."

	 

	'Ez qetî xo vîr ra nêkena'

	 

	Behîye ard ziwan ke çîyê ke a şewe cuyaya qetî xo vîr ra nêkena û va wehşitî tena kênaya aye rê nê şarê kurdî rê ameyo kerdiş û wina va: "Domanê ma kurd ê. Semedê dewaya xo, semedê ziwanê xo têkoşîn kerdî. Edalet û azadî waştêne. Çira heqê heme dinya esto nê çîyêk biwazê, çira ê kurdan çin o? Kêna mi endama partî bî. Vernê de birîndar kerdî, dima ra gulevaran kerdî. Vatî ‘terorîst ê.’ Ma heta peynî pey domananê xo de yê. Pey dewaya înan de yê. Ma heta peynî dewaya înan taqîb kenê."