Selma Gurkan: KHK sebebê tersê têkoşînî nîyo 

2018-01-01 14:17:27


	 

	 

	 

	ENQERE- KHK hûmara 696an hetê hukmatê AKPî ra ame vetiş de caardişê, ‘cilê yew reng’ û zirxê hukmkerdişî yê semedê hêzê paramîlîter ke ame ardiş ca girewtî. Sereka Pêroyîya EMEPî Selma Gurkan wina va: "AKPî heme bera padayî. KHK sebebê tersî nîyo." 

	 

	Hukmatê AKPî 24ê Kanûne de KHK hûmara 696 vet û bi nê caardişan ‘cilê yew reng' vet. Derheqê babete de sereka Partîya Kede (EMEP) Selma Gurkane dîyar kerde ke hêzê demokratîk û partîyê sîyasî hemverê caardişê ‘cilê yew reng’  bibê û hemverê KHKyan têkoşîn bikerê. 

	 

	Selma da zanayîş ke AKP bi israrê welat bi OHAL û KHKyan bi rejîmê xo yê huqûqî kerdê binê asayîşê qanûnî û va: "Caardişê cilê yew reng wextê AKPî de nêameyo. Verê derbeyê 12ê Êlule de zî virazyayo. AKP vîyarte ra ders nêveto, eynî rayîrî de şênê. La nê caardişê AKPî zî newe ra peyser bêro antiş."

	 

	'AKP nêwazeno bera akerde verdo' 

	 

	Selma derheqê maddeyê 121in ê zirxê hukmî semedê hêzê paramîlîter ardê şîrove kerd û dîyar kerd ke bi maddeyê babeta vatişî yê ewil sucê 15ê Temmuze de ameyê kerdiş, hewl dayê berpirsîyarîyê ceza vejê. Selma wina va: "Sererastkerdişê babetê vatişî bi hawayêke eşkera vengdayîşê şerê mîyanxo yo. AKP hewl da ke mîlîsê xo verê zî biko mîyanê tevgere. Xoverdayîşê  Gezî de, piştdayîşê Kobanî de ceribnayî. AKP nêwazeno berake akerde verdo."

	 

	Selma peynîye qiseykerdişê xo de da zanayîş ke nê caardişan sebebê tersê têkoşînî yo û do şar laverşîyayîşî vindarnê.