Cuyake koyan nimnayo û rêçê şahîdîye: Emîne Kiyançîçek

2017-12-31 13:21:32


	 

	DÊRSIM- Emîne Kiyançîçeke ke cinîya têkoşerî ya herra bi xoverdayîş û cesaretî ameya têmyankerdişî, yew zî şahidê qirkerdişê Dêrsimî ya. Emîne o wext pêwa emrê xo yê domanî verê xo da koyan û waya xo zî pawit e. 

	 

	Emîne Kiyançîçeke yew şahidê qirkerdişê 1938an a. Emîne rojê vîyarte de cuya xo vinî kerde. Dimayê Emîne cuyake pêrî xoverdayîş mend. yê di rojên borî de jiyana xwe ji dest da. Emîne Kiyançîçeke 14 serra xo de verê pîyê xo de Qeme Ciwekes dest bi xovredayîşî kerda. 

	 

	Dêrsim de bi rayberîya Qeme Ciwekes, bi ser qerekolê Tuluk ame girewtiş û dima ra zî xoverdayîş pîl bi û dimayê qetilkerdişê  Qeme Ciwekes komel ame pelçîqnayîş. Emîne pî, bira û maya xo vinî kerde û kalê aye zî dimayê serran dima ra hepisxaneyê Çanakkaleyî cuya xo vinî kerde. Emîne zî 7 serran ko de wayê û birayê xo pawit. 

	 

	'Şikeftan de xo nimnayî' 

	 

	Ma şinê dewa maya Emîne, Xozmerek û ma konê pey cuya aye. Cîrana Emîne, Kîbar Demîre zî çîyê ke şahidiyê aye kerd va. Kîbare dîyar kena ke Emîne emrê qij de verê xo dana koyan. Kîbare wina vana: "Leşkeran da peyê ci. Aye zî şî xo şikeftan de nimna. Nêzdîyê dewa Pah bî. ez zî a dewe de bîya. Reyan ameyne û şîne. "Kîbare ard ziwan ke dimayê serran dima Emîne ageyra dewa xo û kam ameyne verê aye qisey kerdêne. 

	 

	'Ma nan dayne domanan' 

	 

	Emîne bi sebebê ke nan dayo gerîlayê ke ameyê dewe 2001 de rastê 3 serre û 9 aşme ceza amî. Emîne 2003 de yena tehlîyekerdiş û roportajêke xo de wina vana: "Ma nan dayne domanan, Ma şekir, cigara, cil û belg dayne înan. Sûcê ma no bi. Di kesî teslîm bîbî û nameyê ma dabî." 

	 

	Yemîş Altuntaşa ke Emîne dir ameyne hukmkerdiş, dîyar kena ke hepisxaneyê Xerpêtî de mendê û va eke hukmat hukmat bibayne do ceza bidayne gelo? 

	 

	Cîrane Emîne Guler Arate zî va Emîne semedê Dêrsimî kesêke bi erje bî û vindîbîyayêke pîl a.