OHAL tesîrê xo da heme kes û karan ser 

2017-12-30 11:56:40


	 

	Zeynep Turgut

	 

	ERDEXAN - Tirkîya de badê ke rewşa OHALî ame îlankerdiş, heme sektor û komelî krîzê ekonomî ra para xo girewtî û zirarêk pîl dîyî. OHAL tena şar ser de tesîr nêviraşt, miqatekerdişê heywanan de daxî bî sebebê zirarî û tesîrêko negatîf komelî ser de awan kerd. Krîzê ekonomî tesîrê xo dano heme kar û sektoran ser û vernîya krîzî nîno girewtiş. 

	 

	Na rewşe ra taybetî şarê vakurê Kurdistanî ke bi miqatekerdişê heywanan debara xo kenê tesîr benê û tebîet daxî binê tesîrê krîzê ekonomî de yo. Nê cayan re yew zî bajarê Erdexenî yo. Hemwelatîyê Erdexenî vayeya simerî ver nêeşkenê ke heywanan miqate bikerî û hemwelatî reaksyon nawitî na rewşe. 

	 

	Babete ser o herêma Serhedî re hemwelatîya bi nameyê Mucevher Yildize ke bi miqatekerdişê heywanan debara xo kena qisey kerde û dîyarkerde ke îlankerdişê rewşa OHALî re dima karê miqatekerdişê heywanan ameyo çinbîyayiş ver.

	 

	Mucevhere ke taxa Ataturkî de cuyena û debara xo bi  miqatekerdişê heywanan kena qiseykerdişê xo de wina va: “Ma qet rewşêka winasî heta nika nêdîya. Zehmetî û vayê taybetî îlankerdişê OHALî re dima ameyî cuyayiş. Verê cu ma dewan de heywanan miqate kerdêne û ma berîvanî kerdêne. Badê ke dewe ameyî vengkerdiş ma mecburî koç kerd. Bajaran de miqatekerdişê heywanan karêko zehmetin o. Cuya bajarî de ma nêeşkenê ke heywananê xo bibî teber û biçernî. Dewan de wexto ke beno zimistan vaşî yenê huşkkerdiş û îmkan zêdeyî. Nika krîzê ekonomî ver ma nêeşkenê simer daxî biherînî. Ma wazenê ke krîzê ekonomî bêro çareserkerdiş. Eke wina dewam bikero ma do heywananê xo biroşî. Ganî bi hawayo lez çareserî bêrî dîyiş.”