Çeteleyê şîdetê 2017ine: Qetilkerdişê cinîyan sera 25 zêde bi! 2017-12-29 13:10:57   Duygu Erol   MERKEZÊ XEBERAN - Bi OHALî dir şîdetê komelî zêde bi û cinî kerdî hedefê yewin. Tirkîya 2016an de 328 cinî ameyî qetilkerdiş û 2017an de kiştişê cinîyan sera 25 zêde bi. 2017an de en tay 408 cinî ameyî qetilkerdiş û 354 cinî zî rastê şîdetê camêrdan ameyî.   Bi sebebê OHALî dir KHKa ameyî vetiş, vernê de qezencê cinîyan hedef ameyî girewtiş. Bi zêdebîyayîşê şîdetê komelî dir kuçeyan de, waran de, keye de şîdet û kiştişê cinîyan zêde bi. 15 serre îqtîdarê AKPî de şîdetê ser cinîyan sera hezar û 500 zêde bîyo û bi hezaran cinî rastê şîdetî ameyî. Tirkîya ke îmza eşta Peymanê Stenbolî pêwa ke dayeyê kiştişê cinîyan kom bikerê û sebeban tespît bikerê, îmza eştî caardişê ke kiştişê cinîyan zêde keno. Bi OHAL û KHKa 2017an de en tay 408 cinî ameyî qetilkerdiş û 354 cinî rastê şîdetî ameyî. 2016an de 328 cinî ameyî qetilkerdiş û goreyê serra 2016an de dayeyê kiştişê cinîyan sera 25 zêde bîyo.   Cinî bi sebebê cîya yenê qetilkerdiş   Sera 23ê cinîyan semedo ke derheqê cuyayîşê xo de qerar girewtê, hetê camêrdan ra ameyê qetilkerdiş û sera 13 semedo ke waştê têkilîyê xo peynî bidê ci ameyê kiştiş û sera 3 zî semedo ke waştê cinîyê rastê şîdetî ameyî xelas bikerê ameyî kiştiş, sera 30 semedê sebebê ke nêameyê tespîtkerdiş sera 31 semedê hemverê şîdet û tecawizî xoverdayê ameyê qetilkerdiş.   Qezencê cinîyan hedef ameyî girewtiş   2017 de bi OHALî dir şîdet û kiştişê cinîyan zî zêde bî. Bi qanûnê newe ke ameyî babetê meclîse zî reyna qezencê cinîyan hedef ameyî girewtiş. Heto bîn ra ‘Qanûno Vernîgirewtişê şîdetî’ yê hûmara 6284an derheqê ‘Pawitişê Keye û Vernîgirewtişê Şîdetî de’ zî hetê çapemenîya hetgirewtoxê îqtîdarî sernameyê sey ‘keye xira kenê' ameyî serwîskerdiş. Cinîyan reaksîyon mojnayî xeberan û vernî sererastkerdişê newe girewtî.   Butçeyê wezaretê polîtîkayê keye û komelî de cinî çin ê!   Wezîrê Polîtîkayê Keye û Komelî Fatma Betul Sayan Kaya butçeyê 2018an ê wezaretî eşkera kerde. Butçe de ame eşkerakerdiş de hêrişê hemverê qezencê cinîyan nêameyî vînayîş û hukmê semedê îstîhdamê cinî bêrê zêdekerdiş zî yê 2010an de amebi rojanekerdiş, ame wedartiş.   Çalakîyê 'dest medê cilanê ma   Bi OHALî dir her warê cuyayîşî hemverê cinîyan bi sebebê cîya hêriş ameyî kerdiş. 2017an de 8 cinî bi sebebê şort dayê xo ra rastê şîdetî ameyî. Hemverê ci xeylê bajaran de çalakîya ‘dest nêdê cilanê ma' virazyayî.